مَرقُس 7:31 - کتاب مقدس به زبان مازندرانی - گویش شرقی

³¹ بعد عیسی صورِ مَنطقه جِم بَردَگِردِسه و صیدونِ راهِ جِم، جَلیلِ دریا بُورده. وه دِکاپولیسِ مَنطقهِ جِم دَییه رَد بونِسه.

گیله ماز

³¹ ایما عیسی صورِ مَنطَقِه یه جی وَگرِسِّه، وَ صِیدونِ راهِ جی جَلیلِ دَریایِ سَمت بَشَه. اون دِکاپولیسِ منطقه یه جی رَد بونه با.

کتاب مقدس به زبان مازندرانی - گویش غربی

³¹ اَزما عیسی صوری مَنطَقِه ای جا دَگِرِسِه، و صِیدونی راهی جا جَلیلی دَریایی سِه بوردِه. وی دِکاپولیسی مَنطقِه ای جا دِ رَد وونِسِه.

مَرقُس 7:31 Iomraidhean Croise

اِنجیلِ مَتّی 11:21

بااوته:«وای بَر تِ اِی خورازین شَهر، وای بَر تِ اِی بیت‌صیدائه شَهر! اَگه معجِزِه هایی كه شِمه دِله اِنجام بَییه صور و صیدونِ شهرائه دِله اِنجام بونِسه، خَله قبل اَز این، پلاس‌ دَپوشیه و سَر تیل دَوِسه، تووبه کاردِنه.

اِنجیلِ مَتّی 4:18

وَختی عیسی جَلیلِ دریا لو قَدِم زوئه، بَدیئه دِتا برار یَعنی شَمعون، مِلَقَّب به پِطرُس و وه بِرار آندریاس، دَریا دِله تور دِم دِنِنه، چوون وِشون ماهیگیر بینه.

اِنجیلِ مَتّی 4:25

یَته خَله جَمیِّت جَلیلِ شَهر و دِكاپولیسِ مَنطقهِ جِم، اورشَلیمِ شَهر و یَهودیهِ مَنطقهِ جِم و اُردنِ رودخانهِ اون دَس جِم عیسیِ دِمبال راه دَکِتِنه.

مَرقُس 5:20

اون مَردی هم بُورده و دِکاپولیسِ مَنطقهِ دِله اِعلام هاکارده که عیسی وه وسه چی هاکارده، تِمومِ مَردِم حیرون بَینه.

مَرقُس 7:24

عیسی اونجه ره ترک هاکارده و صور و صیدونِ مَنطقه بورده، یِتا سِره دِله بُورده؛ و نِخواسه هیچ کی خَوِردار بَووه. ولی اَی هم نَتونِسه شه ره جا هاده.

مَرقُس 7:30

اون زِنا شه سِره بورده و بَدیئه وه وچه لا دِله دراز بَکِشیه و دِو وه جِم بیرون بُورده.