مَرقُس 7:28 - کتاب مقدس به زبان مازندرانی - گویش شرقی

²⁸ ولی اون زِنا عیسی ره بااوته: «اَره، آقا، ولی حَتَّی سکا هم خِرده چیایی که وَچونِ سِفرهِ جِم کَلِنه ره خوارنِنه.»

گیله ماز

²⁸ وَلی اون زِنا عیسی رِه باَگوته: «آرِه آقا، وَلی حتّی سَگِشان هم خُردِه چیزائی که وَچِه هانِ سُفرِه یه جی کَلنِه رِه خارنَن.»

کتاب مقدس به زبان مازندرانی - گویش غربی

²⁸ ولی هون زَنا عیسی رِه بُتِه: «اَرِه، آقا، ولی حتّی سَگیشون هَم خِردِه چیایی گه وَچیلِه ای سِفرِه ای جا کَلِنِه رِه خارِنِه.»

مَرقُس 7:28 Iomraidhean Croise

اِنجیلِ مَتّی 15:27

ولی اون زِنا بااوته: «دِرِسِ آقا، ولی حَتّی سَکا هَم، نون تیکه ای که شه اَربابِ سِفرِهِ جِم کَلِنه ره خارنِنه.»

اِنجیلِ مَتّی 5:45

تا شه آسِمونی پییِرِ وَچه بَووین، چوون وه شه اِفتابِ بَدِ آدِمون و خوارِ آدِمونِ سَر تابِندِنه و شه وارِشِ عادِلِ آدِمون و ظالِمِ آدِمونِ سَر یه جور وارِندِنه.

مَرقُس 7:27

عیسی اون زِنا ره بااوته: «بییِل اَوِّل وَچون سیر بَووِن، چوون دِرِس نییه وَچونِ نونِ بَیریم و سکائه جلو دِم هادیم.»

مَرقُس 7:29

عیسی اون زِنا ره بااوته: «تِ این گَبِ خاطِری، بور که دِو تِ کیجائه جِم بیرون بییَمو!»

رومی ایشون 10:12

چوون یهود و یونانیِ میون هیچ فرقی دَنیه، چوون که هَمون خِداوند، همهِ خداوندِ و تِمومِ اونایی که وه ره صدا کاندِنه ره خَله بَرکَت دِنه.

رومی ایشون 3:29

مگه خِدا فِقَط یَهودیونِ خِدائه؟ مگه غیرِ یَهودیونِ خِدا نییه؟ اَلبته که وه غیر یَهودیونِ خِدا هم هَسه.

اِفِسُسیان 3:8

هر چَن که مِن تِمومِ مِقَدَّسینِ میون همهِ جِم کَمتَرینِمه، این فِیض مِ ره هِدا بَییه تا مَسیحِ بی حدّ و حِسابِ گَنج ها ره غیرِیَهودیونِ اِعلام هاکانِم،