مَرقُس 7:26 - کتاب مقدس به زبان مازندرانی - گویش شرقی

²⁶ اون زِنا غیرِ یهودی و فینیقیهِ سوریهِ جِم بییه. وه عیسی ره اِلتماس هاکارده که دِوِ وه کیجائه جِم بیرون هاکانه.

گیله ماز

²⁶ اون زِنا غیر یَهودی و سوریه فینیقیۀ جی با. اون عیسی رِه التماس هَکُردِه که آلِ اونه کیجایِ جی دِرگا هَکونه.

کتاب مقدس به زبان مازندرانی - گویش غربی

²⁶ هون زَنا غیرِیَهودی و سوریه ای فینیقیه ای جا وِه. وی عیسی رِه التماس هاکِردِه گه دِوِ وی کیجایی جا دیرگا هاکِنِه.

مَرقُس 7:26 Iomraidhean Croise

اِنجیلِ مَتّی 15:22

یِتا كنعانی زِنا که اون مَنطقه دِله زِندِگی کارده، عیسی پَلی بییَمو و دادِ هِمراه بااوته: «اِی آقا، اِی داوودِ ریکا، مِ ره رَحم هاکان! مِ کیجا بَد جور دِو بَزو بَییه.»

اِنجیلِ مَتّی 4:24

عیسیِ شِهرَت تِمومِ سوریهِ دِله دَپیته و تِمومِ اونایی که هَر جور دَرد و مَرِضِ دِچار بینه و اونایی که دِو بَزو بینه و غَشگری داشتِنه و چِلِخا ره وه پَلی یاردِنه و وه اونا ره شِفا دائه.

مَرقُس 7:25

یِتا زنا که وه کِچیکِ کیجا پلیدِ روح داشته، وَختی عیسی خَوِری بِشنُسه، دَرجا بییَمو و عیسیِ لینگ دَکِته.

مَرقُس 7:27

عیسی اون زِنا ره بااوته: «بییِل اَوِّل وَچون سیر بَووِن، چوون دِرِس نییه وَچونِ نونِ بَیریم و سکائه جلو دِم هادیم.»

غَلاطیان 3:28

دییه نا یَهودی مَعنی دارنه نا یونانی، نا نوکِر نا آزاد، نا مَردی نا زِنا، چوون شِما همه مَسیحْ عیسی دِله یِتا هَسینی.

کولُسیان 3:11

این نو آدِمِ دِله، نا یونانی یا یهودی، نا ختنه‌بَییه یا ختنه‌نَییه، نا بَربَر یا سَکایی، نا نوکِر یا آزاد، دییه مَعنی نِدارنه، بلکه مَسیح همه چی هَسه و همهِ دِله دَره.