مَرقُس 7:2 - کتاب مقدس به زبان مازندرانی - گویش شرقی

² وِشون بَدینه که عیسیِ بَعضی از شاگِردون نَجسِ دَسِ هِمراه، یعنی نَشسه دَسِ هِمراه، غِذا خوارنِنه.

گیله ماز

² اوشان بَدییَن که عیسی یِه بعضی از شاگِردان نَجِسِ دَسِ هَمرَه، یَعنی نَشوردِه دَسِ هَمرَه، غذا خارنَن.

کتاب مقدس به زبان مازندرانی - گویش غربی

² وِشون بَئینِه گه عیسایی بعضی از شاگِردِن نَجِسِ دَسی هَمرا، یَعنی نَشوردِ دَسی هَمرا، غذا خارِنِه.

مَرقُس 7:2 Iomraidhean Croise

اِنجیلِ مَتّی 15:2

«چه تِ شاگِردون اَمه مَشایخِ رَسم و رُسومِ نَدید گِرنِنه؟ وِشون قبل اَز اینکه غِذا بَخُرِن شه دَسِ نَشورنِنه؟»

مَرقُس 7:5

فریسیون و توراتِ مَلِّمون عیسی جِم بَپِرسینه: «چه تِ شاگِردون طبقِ مشایخِ رَسم و رسوم رِفتار نَکاندِنه و نَجِسِ دَسائه هِمراه غِذا خارنِنه؟»

لوقا 11:38

ولی وَختی فریسی بَدیئه، عیسی شه دَسِ قبلِ از غِذا نَشُسه، خَله تَعَجِّب هاکارده.

اعمال رَسولان 10:28

پِطرُس وِشونِ بااوته: «شِما شه دوندِنی که یَهودیونِ وِسه جایز نییه که یِتا دییه قومِ هِمراه معاشرت هاکانِن یا وِشونِ سِره بورِن. ولی خِدا مِ ره سِراغ هِدا که نَوِسه هیچ کسِ نَجس یا ناپاک بارِم.

اعمال رَسولان 11:8

«ولی مِن جِواب هِدامه: ” اصلِاً، خِداوندا، چوون مِن هیچ وَخت حروم و نجسِ چی ره تِک نَزومه.“

رومی ایشون 14:14

مِن خِداوند عیسیِ دِله دومبه و قانِعمه که هیچی خِد به خِد نَجس نییه. ولی اگه کِسی یه چی ره نَجس دوندِنه، وه وِسه نَجِسِ.

نامِه مَسیحینی عبرانی نِژادی سِه 10:29

شِما گَمون کاندینی وه حَق، که خِدائه ریکا ره لینگِ لو بَییته، و اون عَهدِ خون که وه وِسه وَقف بَییه ره بی حِرمتی هاکارده و فیضِ روحِ بی عزّت هاکارده، چه بدترِ مجازاتی وه سَر اِنه؟

یوحنایِ مکاشفه 21:27

ولی هیچ ناپاکی و هیچ کس که وه کارا نفرت انگیزِ و دِراغِ جِم بوئه، اَصلاً وه دِله نَشونه، بلکه فِقَط اونائه اسم که ورهِ حیاتِ دفتِرِ دِله بَنوِشته بَییه، وه دِله شونِنه.