مَرقُس 7:15 - کتاب مقدس به زبان مازندرانی - گویش شرقی

¹⁵ هیچی دَنییه که بیرونِ جِم آدِمیِ وجودِ دِله بوره و بَتونه وه ره نَجس هاکانه، بلکه اون چیایی که آدِمیِ وجودِ جِم بیرون اِنه، وه ره نَجِس کانده. [

گیله ماز

¹⁵ هیچ چیزی دَنیِه که دِرگایِ جی آدَمی یه وجودِ دِلِه بوشو و بِتَّنهِ اونه نَجِس هَکُنِه. بلکه اون چیزایی که آدَمی یه وجودِ جی دِرگا هَنه اونه نَجِس کانه.

کتاب مقدس به زبان مازندرانی - گویش غربی

¹⁵ هیچی دَنیِه گه دیرگایی جا آدَمی ای وجودی دِلِه بورِه و بَتِنِّه وِرِه نَجِس هاکِنِه. بَلگی هون چیایی گه آدَمی ای وِجودی جا دیرگا اِنه وِرِه نَجِس کِنِّه.

مَرقُس 7:15 Iomraidhean Croise

اِنجیلِ مَتّی 12:34

اِی اَفعی زادوا، شِما كه شَریرِ آدِمون هَسینی چی طی توندِنی خوار گَب بَزِنین؟ چوون زِوون اون چیِ جِم که دِلِ پِر کانده گَب زَنده.

اِنجیلِ مَتّی 15:16

عیسی جِواب هِدا: شِما هَم، هَمتی دَرک نَکاندینی؟

مَرقُس 7:14

عیسی اَت کَش دییه مَردِمِ شه پَلی صدا هاکارده و وِشونِ بااوته: «شِما همه مِ گَبِ گوش هادین و اینِ بِفَهمین:

مَرقُس 7:16

هر‌ کی گوش شِنِوا دارنه، بِشنُئه!]»

اعمال رَسولان 10:28

پِطرُس وِشونِ بااوته: «شِما شه دوندِنی که یَهودیونِ وِسه جایز نییه که یِتا دییه قومِ هِمراه معاشرت هاکانِن یا وِشونِ سِره بورِن. ولی خِدا مِ ره سِراغ هِدا که نَوِسه هیچ کسِ نَجس یا ناپاک بارِم.

رومی ایشون 14:17

چوون خِدائه پادشاهی، بَخُردِن و بَنوشییِن نییه، بلکه صالحی، صِلح و سِلامتی و خِشالی، روح‌القدسِ دِله ئه.

اوّلین نامِه قُرنتیانی سِه 10:25

هر گوشتی که قصابی دِله روشِنِنه ره بدونِ اینکه شه وجدانِ خاطِری سِئالی بَپِرسین بَخُرین،

تیتوس 1:15

پاکِ آدِمونِ وِسه همه چی پاکِ، ولی اونایی وِسه که نَجس و بی‌ایمونِنه، هیچی پاک نییه، بلکه هم وِشونِ فکر و هم وِشونِ وجدان نَجسِ.

نامِه مَسیحینی عبرانی نِژادی سِه 13:9

جورواجور و عَجیب غریب تَعلیم هائه هِمراه گمراه نَووین؛ چوون این خوارِ که آدِمیِ دِل، فیضِ هِمراه قِوَّت بَیره، نا اون خِراکهائه هِمراه که وِشونی که اونائه دِمبال شونِنه، وِشونِ وِسه منفعتی نِدارنه .

نامِه مَسیحینی عبرانی نِژادی سِه 9:10

بلکه اینا فِقَط خِراکی ها و نوشیدنی ها و جورواجورِ غِسل ها و قانونایی نه که تَنِ ربط دارنِنه و فِقَط تا مووقه ای اعتبار دارنِنه که خِدا تازه ترتیب هاده.