مَرقُس 6:46 - کتاب مقدس به زبان مازندرانی - گویش شرقی

⁴⁶ عیسی بَعدِ از اینکه جَمیِّتِ راهی هاکارده، شه کوهِ سَر بُورده تا دِعا هاکانه.

گیله ماز

⁴⁶ بعدِ اینکه عیسی جماعتِ راهی هَکُردِه، خودش کوهِ سَر بَشَه تا دُعا هَکونه.

کتاب مقدس به زبان مازندرانی - گویش غربی

⁴⁶ عیسی بعد از هَینگه جماعتِ راهی هاکِردِه، شِه کوهی سِه بوردِه تا دِعا هاکِنِه.

مَرقُس 6:46 Iomraidhean Croise

اِنجیلِ مَتّی 14:23

عیسی بَعد از این که مَردِمِ بَفرِسیه، شه، کوهِ سَر بُورده تا تیناری دِعا هاکانه. شو بَرِسیه و وه اونجه تینا بییه.

اِنجیلِ مَتّی 6:6

هَر وَخت تِ دِعا کاندی شه اُتاقِ دِله بور، دَرِّ دَوِند و شه نَدیئه پییِرِ پَلی دِعا هاکان. تِ آسِمونی پییِر که هر جا هِدا چی ره وینده، تِ ره اَجر دِنه .

مَرقُس 1:35

زودِ صِواحی که هَمتی هِوا تاریک بییه، عیسی بِلِند بَییه و سِره جِم بیرون بورده. وه یِتا خَلوِتِ جا بُورده و اونجه دِعا هاکارده.

مَرقُس 6:47

وَختی شو بَییه، لتکا دریائه میون بَرِسیه و عیسی خِشکیِ دِله تینا بییه.

لوقا 6:12

یتا از اون روزا، عیسی دِعائه وِسه کوهِ سَر بُورده و شُو تا صِواحی خِدائه حِضور دِعا کارده.

اعمال رَسولان 18:18

پولُس بعد از اینکه خَله زِمون قُرِنتُسِ دِله بَمونِسه، بِرارونِ هِمراه خِداحافظی هاکارده و دریائه راهِ جِم، سوریه بورده. این سَفِرِ دِله، پْریسکیلا و آکیلا هم وه هِمراه دَینه. پولُس کِنخْریه دِله شه کلّه ره بَتِراشیه، چوون این طی نَذر هاکارده بییه.

اعمال رَسولان 18:21

و وِشونِ هِمراه خِداحافظی هاکارده، بااوته: «اگه خِدا بِخوائه اَی دِواره شِمه پَلی اِمبه.» بعد یِتا کَشتی سِوار بَییه و اَفِسُسِ جِم بورده.

دوّمین نامه قرنتیانِ وَسین 2:13

ولی اَی آروم و قِرار نِداشتِمه چوون شه بِرار تیتوسِ پی دا نَکاردِمه. پَس اونجهِ مَردِمِ هِمراه خِداحافظی هاکاردِمه، مقدونیهِ مَنطقه بوردِمه.

اول پِطرُس 2:21

چوون، شِما اینِ وِسه دَعوِت بَینی، چوون مَسیح هم شِمه وِسه عِذاب بَکِشیه و شِمه وِسه یِتا سَرمخش بییِشته تا اون راهی که وه بورده شِما هم بورین.