مَرقُس 6:14 - کتاب مقدس به زبان مازندرانی - گویش شرقی

¹⁴ این جریان هیرودیسِ پادشاهِ گوش بَرِسیه، چوون عیسیِ آوازه همه جا دَپیته بییه. بَعضی از مَردِم گاتِنه: «این مَردی هَمون یحییِ تعمیددهِندئه که مِردِه هائه جِم زِنده بَییه. همینِ وِسه تونده این طی معجزاتی هاکانه.»

گیله ماز

¹⁴ این جریان هیرودیس پادشاهِ گوش بَرِسییَه، چون عیسیِ یِه آوازِه همه جا دَپیته با. بَعضی از مَردُم گونهِ بان: «یحیی یِه تعمید دَهنده مُردِگانِ جی زندهِ هَبا. اینِ وَسینِ که تانِه اینجور مُعجِزاتی هَکونه.»

کتاب مقدس به زبان مازندرانی - گویش غربی

¹⁴ هَین جریان هیرودیسِ پادشاهی گوش بَرِسیِه، چون عیسایی اَوازِه هَمه جا دَپیت وِه. بَعضی از مَردِن گِتِنِه: «هَین مَردی هَمون یحیای تعمید دَهندئِه گه مِردِگونی جا زینِّه بَوِه. هَینِسِئِه بَتِنِّه هَینجور مُعجِزاتی هاکِنِه.»

مَرقُس 6:14 Iomraidhean Croise

اِنجیلِ مَتّی 9:31

ولی همین‌که سِرِهِ جِم بیرون بُوردِنه، عیسیِ آوازه ره تِمومِ اون مَنطقه دِله پَخش هاکاردِنه.

مَرقُس 1:28

پَس خَله نَگذِشته که عیسیِ آوازه تِمومِ جَلیلِ مَنطقهِ دِله دَپیته.

مَرقُس 1:45

ولی اون مَردی بیرون بُورده، همه جا این جَریانِ گَبِ بَزو و اونِ خَوِرِ پَخش هاکارده. اینِ وِسه عیسی دییه نَتونِسه عَلِنی شَهرِ دِله بِیّه، بلکه شَهرِ بیرون، خلوتِ جائه دِله موندِسه. و مَردِم از همه جا عیسیِ پَلی اییَمونه.

مَرقُس 8:28

وِشون بااوتِنه: «بعضیا گانِنه یحییِ تعمیددهِنده هَسی، بعضیا گانِنه اِیلیائه پیغمبِری و بَعضی دییه هم گانِنه یِتا از پِیغمبِرونی.»

لوقا 13:31

هَمون مووقه، عُلِمائه فِرقه فریسیِ جِم چَن نَفِر عیسی پَلی بییَمونه و بااوتِنه: «اینجه ره ترک هاکان و یه جا دییه بور، چوون هیرودیس خوانه تِ ره بَکوشه.»

لوقا 3:1

تیبِریوسِ فرمونرواییِ پونزدهمین سالِ دِله، رومِ امپراطور، وَختی پُنتیوس پیلاتُس یَهودیهِ فَرموندار بییه و هیرودیس جَلیلِ مَنطقهِ حاکم، و وه بِرار فیلیپُس ایتوریه و تْراخونیتیسِ مَنطقهِ حاکم، و لیسانیوس آبیلینیِ مَنطقهِ حاکم بییه

لوقا 7:17

عیسیِ این کارِ خَوِر، تِموم یَهودیهِ دِله و اون دُورِ وَر دَپیته.

لوقا 9:19

شاگِردون جِواب هِدانه: «بَعضی گانِنه یحییِ تعمیددَهِنده ای، بَعضی دییه گانِنه اِیلیایی، و بَعضی هم تِ ره یِتا از قدیمی پیغَمبِرون دوندِنه که زنده بَییه.»

اوّل تِسالونیکیان 1:8

چوون نا فِقَط خِداوندِ کِلام شِمه طریق مقدونیه و اَخائیه مَنطقه هائه دِله دَپیته، بلکه شِمه ایمون داشتن به خِدا، تِک هائه سَر دَکِته، جوری که دییه لازم نییه اِما یه چی باریم.

نامِه مَسیحینی عبرانی نِژادی سِه 2:4

هَمون طی که خِدا هم جورواجورِ نشونه ها و عجیب غَریبِ معجزات، و روح‌القدسِ عطاها، که طبقِ شه اِراده دِنه، اون، نِجاتِ گواهی هِدا.