مَرقُس 6:12 - کتاب مقدس به زبان مازندرانی - گویش شرقی

¹² پَس وِشون بُوردِنه، مَردِمِ اِعلام کاردِنه که وِنه تووبه هاکانِن.

گیله ماز

¹² پس اوشان بَشَن، مَردُمِ اعلام کانِه بان که بایسّی توبِه هَکُنَن.

کتاب مقدس به زبان مازندرانی - گویش غربی

¹² پس وِشون بوردِنِه، مَردِنِ اعلام کِردِنِه گه وِنِه توبِه هاکِنِن.

مَرقُس 6:12 Iomraidhean Croise

اِنجیلِ مَتّی 11:1

وَختی عیسی این دَستورا ره شه دِوازده شاگِردِ هِدا، اونجه جِم بُورده تا وِشونِ شَهرائه دِله تَعلیم هاده و موعِظه هاکانه.

اِنجیلِ مَتّی 11:20

بعد عیسی اون شَهرائه خَوِری گَب بَزو كه ویشتَرین معجزه ها ره اونجه اِنجام هِدا بییه و اون شَهرائه مَردِمِ اینِ خاطِری که تووبِه نَکارد بینه، توبیخ هاکارده:

اِنجیلِ مَتّی 3:2

گاته: «تووبِه هاکانین چوون آسِمونِ پادشاهی، که خِدا وه حاکِمِ نَزیکِ.»

اِنجیلِ مَتّی 3:8

پَس کارهایی كه تووبِهِ لایقِ ره اِنجام هادین.

اِنجیلِ مَتّی 4:17

عیسی اَز اون روز تَعلیم هِدائِنِ شروع هاکارده و گاته: «تووبه هاکانین چوون آسِمونِ پادشاهی که خِدا وه حاکِمِ نَزیکِ.»

اِنجیلِ مَتّی 9:13

بورین و خِدائه این کِلامِ مَعنی ره بِفَهمین: 'مِن رَحمِت خوامبه، نا قِروونی' چوون که مِن نییَمومه تا صالِحون دَعوِت هاکانِم، بلکه بییَمومه تا گِناهکارونِ دعوت هاکانِم.»

مَرقُس 1:15

و گاته: «وه وَخت بَرِسیه و خِدائه پادشاهی نزیکِ. تووبه هاکانین و این خَوِرِ خِشِ ایمون بیارین.»

مَرقُس 1:3

یه نَفِر صَحرائه دِله داد زَنده: ”خِداوندِ راهِ آماده هاکانین! وه راه ها ره هِموار هاکانین»

لوقا 11:32

نینوائه مَردِم، داوِری روز این نَسلِ هِمراه حِرِسِنِنه و وِشونِ مَحکوم کاندِنه، چوون وِشون یونسِ موعظهِ خاطِری توبه هاکاردِنه، و اِسا اونی که اینجه دَره یونِسِ جِم گَت تِرِ.

لوقا 13:3

شِما ره گامبه این طی نییه. بلکه اگه تووبه نَکنین، تِمومِ شِما هم هِلاک بونِنی.

لوقا 13:5

شِما ره گامبه که این طی نییه. بلکه اگه توبه نَکِنین، تِمومِ شِما هم هِلاک بونِنی.»

لوقا 15:10

شِما ره گامبه، همین طی، یِتا گِناهکارِ توبه هاکاردِنِ وِسه، خِدائه فرشته هائه پَلی شادی بر پا بونه.»

لوقا 15:7

شِما ره گامبه، همین طی، یِتا گِناهکارِ وِسه که توبه کانده، آسمونِ دِله جَشن و شادیِ گَتتِری بر پا بونه تا اون نَود و نه تا دِرِسکارِ وِسه که نیاز به توبه نِدارنِنه.

لوقا 24:47

و این که وه اسمِ هِمراه تووبه و گِناهونِ آمرزش، تِمومِ قومها ره هِدا بونه، که اونِ شِروع اورشَلیمِ جِم هَسه.

لوقا 9:6

رَسولون راه دَکتِنه، یِتا روستائه جِم، یِتا دییه روستا شینه و هر جا رِسینه خِدائه پادشاهیِ خَوِرِ خِشِ اِعلام کاردِنه و مریضونِ شِفا دانه.

اعمال رَسولان 11:18

وَختی وِشون این گَب ها ره بِشنُسِنه، ساکت بَینه و خِدا ره جِلال هِدانه و بااوتِنه: «پَس خِدا غیر یَهودیونِ هم فِرصت هِدا تا وِشون هَم شه گِناهونِ جِم تووبه هاکانِن و اَبَدی زندگی ره به دَس بیارِن!»

اعمال رَسولان 2:38

پِطرُس وِشونِ بااوته: «توبه هاکانین و هر کِدوم از شِما، عیسیِ مَسیحِ اسمِ هِمراه، شه گناهونِ آمِرزِشِ وسه غسلِ تَعمید بَیرین و روح‌القُدُسِ عطا ره گِرنِنی.

اعمال رَسولان 20:21

هم یَهودیون و هم یونانیونِ اِعلام هاکاردِمه که وِنه تووبهِ هِمراه خِدائه سَمت بَردَگِردِن و اَمه خِداوند عیسیِ مَسیحِ ایمون بیارِن.

اعمال رَسولان 26:20

بلکه اَوِّل دَمشقیونِ میون، بعد اورشَلیم و تِمومِ یَهودیهِ مَنطقه دِله، و غیرِیهودیونِ میون هم، این پِیغومِ اِعلام هاکاردِمه که وِنه توبه هاکانِن و خِدائه سَمت بَردَگِردِن و شه عَملِ هِمراه نِشون هادِن که واقعاً توبه هاکاردِنه.

اعمال رَسولان 3:19

پَس توبه هاکانین و خِدائه سَمت بَردَگِردین تا شِمه گِناهون پاک بَووه و خِداوندِ حِضور جِم شِمه وِسه وختایی بِیّه که شِما ره تازگی هاده،