مَرقُس 5:23 - کتاب مقدس به زبان مازندرانی - گویش شرقی

²³ و خواهش تَمِنّائه هِمراه وه ره بااوته: «مِ کِچیکِ کیجا دَره مییِرنه. بِرو و شه دَسِ وه سَر بییِل تا شِفا بَیره و زِنده بَمونه.»

گیله ماز

²³ و خواهش تَمنایِ هَمرَه اونه باَگوته: «می کوچِ کیجا دَرِه بَمیرِه. بیِه و تیِ دَسِ اونه سَر بَنی تا شَفا هَگیره و زندهِ بُمانه.»

کتاب مقدس به زبان مازندرانی - گویش غربی

²³ و خواهش تَمنایی هَمرا وِرِه بُتِه: «می کِچیک کیجا دِ میرنِه. بِرِه و شی دَسِ وی سَر بِل تا شَفا بَیرِه و زینِّه بَمونِه.»

مَرقُس 5:23 Iomraidhean Croise

اِنجیلِ مَتّی 8:3

عیسی شه دَسِ دِراز هاکارده و وه سَرِ دَس بییِشته و بااوته: «خوامبه، شِفا بَیر!» دَرجا اون مَردی شه جِذامِ جِم شِفا بَییته.

مَرقُس 16:18

و مَرها ره شه دَسائه هِمراه گِرنِنه، اگه کُشنده زَهر هم بَخُرِن، وِشونِ هیچی نَوونه، وِشون مرِضیونِ سَر دَس اییِلنِنه و مریضون شِفا گِرنِنه.»

مَرقُس 5:24

عیسی هم وه هِمراه بُورده. یَته خَله جَمیِّت هم عیسیِ دِمبال راه دَکِتِنه. وِشون هر طَرِفِ جِم، وه ره فِشار یاردِنه.

مَرقُس 6:13

وِشون یَته خَله دِوها ره مَردِمِ جِم بیرون هاکاردِنه و یَته خَله مریضونِ راغونِ هِمراه مَسح هاکاردِنه و شِفا هِدانه.

مَرقُس 7:32

اونجه یِتا مَردی ره عیسی پَلی بیاردِنه که هم غول بییه و هم وه زِوون گِته. وِشون عیسی ره اِلتماس هاکاردِنه شه دَسِ اون مَردیِ سَر بییِلّه.

مَرقُس 8:23

عیسی اون کورِ مَردیِ دَسِ بَییته و وه ره روستائه جِم بیرون بَوِرده. بعد وه چِشِ سَر خِلیک دِم هِدا و شه دَسا ره اون مَردیِ سَر بییِشته و وه جِم بَپِرسیه: «هیچی ویندی؟»

لوقا 13:13

بعد عیسی شه دَسِ وه سَر بییِشته و اون زِنا دَرجا راس اِیست هاکارده و خِدا ره پَرسش هاکارده.

لوقا 4:38

عیسی عِبادَتگاهِ جِم بیرون بییَمو و شَمعونِ سِره بُورده. شمعونِ زَن مار بَدجور توو هاکارده بییه. پَس، عیسی جِم بَخواسِنه وه ره کُمِک هاکانه.

لوقا 4:40

نِماشونِ مووقه، مَردِم شه تِمومِ مریضونِ عیسی پَلی بیاردِنه، عیسی تَک تَکِ سَرِ دَس بییِشته و وِشونِ شِفا هِدا.

لوقا 7:12

وَختی شَهرِ دروازهِ نَزیکی بَرِسیه، بَدیئه یِتا مِیِّتِ وَرنِنه که یِتا بیوه‌زنائه تینا ریکا بییه. خَیلیا از شَهرِ مَردِم هم اون زِنا ره هَمراهی کاردِنه.

اِنجیلِ یوحنا 11:3

پَس ایلعازَرِ خواخِرون عیسیِ وسه پیغوم بَفرِسینه، بااوتِنه: «آقا، تِ عزیزِ رَفِق مَریضِ.»

اعمال رَسولان 28:8

اتّفاقا، پوبلیوسِ پییِر مَرِیض بییه و توو و اسهال داشته. پولُس وه پَلی بُورده و دِعا هاکارده، شه دَسِ وه سَر بییِشته و وه ره شِفا هِدا.

اعمال رَسولان 6:6

این مَردا ره رسولونِ پَلی بیاردِنه و رسولون وِشونِ وِسه دِعا هاکاردِنه و وِشونِ سَر دَس بییِشتِنه و اونا ره این خِدمتِ سَر بییِشتِنه .

اعمال رَسولان 8:17

پَس پِطرُس و یوحنا شه دَسا ره وِشونِ سَر بییِشتِنه و وِشون روح القدوسِ بَییتِنه.

اعمال رَسولان 9:12

و رویا دِله یِتا مَردی که وه اسم حَنانیا هَسه ره بَدیئه، که اِنه و وه سَر دَس اییِلنه تا دِواره بَوینه.»

اعمال رَسولان 9:17

پَس حَنانیا راه دَکِته و اون سِره دِله بُورده. شه دَسا ره سولُسِ سَر بییِشته، بااوته: «شائول بِرار، خِداوند عیسی که وَختی اینجه اییَموئی راه دِله تِ وِسه ظاهر بَییه، مِ ره بَفرِسیه تا شه بینایی ره دِواره به دَس بیاری و روح‌ القدسِ جِم پِر بَووی.»