مَرقُس 5:21 - کتاب مقدس به زبان مازندرانی - گویش شرقی

²¹ عیسی اَت کَش دییه لَتکائه هِمراه دَریائه اون دَس بُورده. دریالو، یَته خَله جَمیِّت وه دور جَمع ‌بَینه.

گیله ماز

²¹ عیسی یِدَفه دیگِه لوتکایِ هَمرَه دریایِ اوتَکِه بَشَه. دریا کنار وَر ایتا گَتِه اِزدِحام اونه دُور جَم هَبان.

کتاب مقدس به زبان مازندرانی - گویش غربی

²¹ عیسی یَکَش دییَر لوتکایی هَمرا دَریایی اون دَس بوردِه. دریالُو یَتِخِیلی اِزدِحام وی دُور جَم بَوِنِه.

مَرقُس 5:21 Iomraidhean Croise

اِنجیلِ مَتّی 9:1

عیسی لَتکا سِوار بَییه و دریائه جِم رَد بَییه و شه شَهر بییَمو.

مَرقُس 4:1

اَت کَش دییه عیسی دریائه پَلی تَعلیم هِدائِنِ شِروع هاکارده. یَته خَله جَمیِّت وه دور جَمع بَینه، ‌جوری که مجبور بَییه یِتا لتکا که دریائه دِله دَییه ره سِوار بَووه و وه دِله هِنیشه، و تِمومِ جمیَّت دریالُو دَینه.

مَرقُس 4:36

وِشون جَمیِّتِ تَرک هاکاردِنه و عیسی ره هَمون لتکائه هِمراه که وه دِله نیشته بییه، شه هِمراه بَوِردِنه. چَن تا لتکائه دییه هم دَینه وِشونِ هِمراه شینه.

مَرقُس 5:2

وَختی عیسی لتکائه جِم جِر بییَمو، یِتا مَردی که پَلیدِ روح داشته، دَرجا قَبرسونِ جِم بیرون بییَمو و وه هِمراه چِش به چِش بَییه.

لوقا 8:40

وَختی عیسی بَردَگِردِسه، مَردِم گرمیِ هِمراه وه جِم استقبال هاکاردِنه، چوون همه عیسیِ چِش به راه بینه.