مَرقُس 5:2 - کتاب مقدس به زبان مازندرانی - گویش شرقی

² وَختی عیسی لتکائه جِم جِر بییَمو، یِتا مَردی که پَلیدِ روح داشته، دَرجا قَبرسونِ جِم بیرون بییَمو و وه هِمراه چِش به چِش بَییه.

گیله ماز

² وَختی عیسی لوتکایِ جی جیر بوما، ایتا مَردای که پَلیدِ روح داشتِه، دَرجا قَبرِسّانی یه جی دِرگا بوما و اونه هَمرَه چِش به چِش هَبا.

کتاب مقدس به زبان مازندرانی - گویش غربی

² وختی عیسی لوتکایی جا جِر بیمو، یَتِه مَردی گه پَلیدِ روح داشتِه، دَرجا قَبرِسونی ای جا دیرگا بیمو و وی هَمرا چِش به چِش بَوِه.

مَرقُس 5:2 Iomraidhean Croise

مَرقُس 1:23

هَمون مووقه، وِشونِ عِبادَتگاهِ دِله یِتا مَردی دَییه که پلیدِ روح داشته. وه شونگ بَکِشیه:

مَرقُس 1:26

بعد پَلیدِ روح اون مَردی ره بَدجور تِکون هِدا و نَعرهِ هِمراه وه جِم بیرون بییَمو.

مَرقُس 3:30

عیسی اینِ وِسه این گَبِ بَزو که گاتِنه «وه پلیدِ روح دارنه.»

مَرقُس 3:9

اون جَمیِّتِ خاطِری که اونجه دَینه، عیسی شه شاگِردونِ بااوته تا مَردِم وه سَر نَکِتِنه یِتا لَتکا وه وِسه آماده هاکانِن.

مَرقُس 4:1

اَت کَش دییه عیسی دریائه پَلی تَعلیم هِدائِنِ شِروع هاکارده. یَته خَله جَمیِّت وه دور جَمع بَینه، ‌جوری که مجبور بَییه یِتا لتکا که دریائه دِله دَییه ره سِوار بَووه و وه دِله هِنیشه، و تِمومِ جمیَّت دریالُو دَینه.

مَرقُس 4:36

وِشون جَمیِّتِ تَرک هاکاردِنه و عیسی ره هَمون لتکائه هِمراه که وه دِله نیشته بییه، شه هِمراه بَوِردِنه. چَن تا لتکائه دییه هم دَینه وِشونِ هِمراه شینه.

مَرقُس 5:21

عیسی اَت کَش دییه لَتکائه هِمراه دَریائه اون دَس بُورده. دریالو، یَته خَله جَمیِّت وه دور جَمع ‌بَینه.

مَرقُس 5:3

اون مَردی قَبرِسونِ دِله زِندِگی کارده و دییه هیچ کی نَتونِسه حَتّی زَنجیلِ هِمراه هم وه ره دَوِنده.

مَرقُس 5:8

چوون عیسی دَییه وه ره گاته: «ای پلیدِ روح، این مَردیِ جِم بیرون بِرو!»

مَرقُس 7:25

یِتا زنا که وه کِچیکِ کیجا پلیدِ روح داشته، وَختی عیسی خَوِری بِشنُسه، دَرجا بییَمو و عیسیِ لینگ دَکِته.

لوقا 8:27

وَختی عیسی لَتکائه جِم پیاده بَییه، یِتا دِو بَزوِ مَردیِ هِمراه که اون شَهرِ اَهالی بییه، روب رو بَییه که خَله وَخت وه نا لِواس دَپوشی بییه و نا سِره دِله زندگی کارده، بلکه قَبرسونِ دِله موندِسه.

لوقا 9:42

هَمون مووقه که ریکا دَییه عیسیِ پَلی اییَموئه، دِو وه ره بِنه بَزو و وه ره غشگری دِم هِدا. ولی عیسی دِوِ تَشِر بَزو و ریکا ره شِفا هِدا و وه پییِرِ دَس بِسپارِسه.