مَرقُس 5:15 - کتاب مقدس به زبان مازندرانی - گویش شرقی

¹⁵ وِشون عیسیِ پَلی بییَمونه و وَختی بَدینه اون دِو بَزو مَردی که قَبلاً اون لشگَرِ گرفتار بییه، اِسا لِواس دَپوشیه و عاقل اونجه نیشته، بَتِرسینه.

گیله ماز

¹⁵ اوشان عیسی یِه وَرجه بومَن و وَختی بَدییَن اون آلبَزَه مَردَای که قَبلاً اون لَشگَرِ گِرِفتار با، اَسِه لِواس دَکُردِه و عاقِل اوجِه نیشتِه، بَتِرسییَن.

کتاب مقدس به زبان مازندرانی - گویش غربی

¹⁵ وِشون عیسایی وَر بیمونِه و وختی بَئینِه اون دِوبَزِه مَردی گه قَبلاََ هون لَشگَری گِرِفتار وِه، اِسا لیواس دَکِردِه و عاقِل اوجِه نیشتِه، بَتِرسینِه.

مَرقُس 5:15 Iomraidhean Croise

اِنجیلِ مَتّی 12:29

یا چی طی یه نَفِر تونده یِتا قِددارِ مَردیِ سِره دِله که شِیطان بوئه، بُوره و وه مال و مِنالِ تاراج هاکانه غیر از اون که اَوِّل وه دَس و لینگِ دَوِنده؟ اون وَختِ که وه سِره ره غارِت کانده؟

اِنجیلِ مَتّی 26:53

مَگه نَدوندِنی مِن تومبه شه پییِرِ جِم بِخوائِم که ویشتَر اَز دِوازه لَشکَر فِرشتِه ره مِ کُمِک بَفرِسه؟

اِنجیلِ مَتّی 4:24

عیسیِ شِهرَت تِمومِ سوریهِ دِله دَپیته و تِمومِ اونایی که هَر جور دَرد و مَرِضِ دِچار بینه و اونایی که دِو بَزو بینه و غَشگری داشتِنه و چِلِخا ره وه پَلی یاردِنه و وه اونا ره شِفا دائه.

اِنجیلِ مَتّی 9:33

عیسی دِوِ وه جِم بیرون هاکارده و وه زِوون واز بَییه. مَردِم این معجزهِ جِم خَله بِهت هاکاردِنه، بااوتِنه: «تا اَلان اِسرائیلِ قومِ دِله هیچ وَخت همچین چیزی بَدیئه نَییه»

مَرقُس 5:14

خی گالِشون دَر بُوردِنه و این جَریانِ شَهر و روستائه دِله تَعریف هاکاردِنه، مَردِم هم بیرون بییَمونه تا اونچی اِتفاق دَکِته بییه ره بَوینِن.

مَرقُس 5:16

اونایی که این جَریانِ بَدیئه بینه، هر چی اون دِو بَزو مَردی و خی هائه وِسه اِتفاق دَکِته بییه ره، مَردِمِ وسه تَعریف هاکاردِنه.

مَرقُس 5:18

وَختی عیسی دَییه لَتکا سِوار بونِسه، اون مَردی که قَبلاً دِو بَزو بییه، عیسی ره خواهش تَمِنّا هاکارده وه هِمراه بُوره.

مَرقُس 5:4

چوون چَن کَش وه ره غُل و زَنجیل هاکارده بینه و دَوِسه بینه، ولی وه زنجیل ها ره پاره هاکارده بییه و اون آهنایی که وه لینگِ کَش دَوِسه بینه ره بِشکِسه بییه. هیچ کَسِ قِد نَرِسیه وه ره آروم داره.

مَرقُس 5:9

عیسی وه جِم بَپِرسیه: «تِ اسم چیه؟» وه بااوته: «مِ اسم لَشگَرِ؛ چوون اِما خَله زیادیمی.»

لوقا 10:39

مارتا یِتا خواخر داشته که وه اِسم مَریِم بییه. مَریِم عیسیِ لینگِ پَلی نیشته بییه و وه گَبِ گوش دائه.

لوقا 8:27

وَختی عیسی لَتکائه جِم پیاده بَییه، یِتا دِو بَزوِ مَردیِ هِمراه که اون شَهرِ اَهالی بییه، روب رو بَییه که خَله وَخت وه نا لِواس دَپوشی بییه و نا سِره دِله زندگی کارده، بلکه قَبرسونِ دِله موندِسه.

کولُسیان 1:13

وه اِما ره تاریکیِ قلمروِ جِم آزاد هاکارده و شه عزیزِ ریکائه پادشاهیِ سَمت بَفرِسیه

دوم تیموتائوس 1:7

چوون خِدا، تَرسِ روحِ اِما ره نِدا، بلکه قِوَّت و مِحَبَّت و نَفسِ دَمِ بَئیتِنِ روحِ، هِدا.