مَرقُس 5:14 - کتاب مقدس به زبان مازندرانی - گویش شرقی

¹⁴ خی گالِشون دَر بُوردِنه و این جَریانِ شَهر و روستائه دِله تَعریف هاکاردِنه، مَردِم هم بیرون بییَمونه تا اونچی اِتفاق دَکِته بییه ره بَوینِن.

گیله ماز

¹⁴ خو گالِشان دَربَشن و این جَریانِ شَهر و آبادی یه دِلِه تَعریف هَکُردَن. مَردُم هم دِرگا بومَن تا اونچه اتّفاق دَکِتِ با رِه، بِینَن.

کتاب مقدس به زبان مازندرانی - گویش غربی

¹⁴ خی گالِشِن دَربوردِنِه و هَین جَریانِ شَهر و آبادی ای دِلِه تَعریف هاکِردِنِه. مَردِن هَم دیرگا بیمونِه تا اونچی اِتِّفاق دَکِت وِه رِه، بَوینِن.

مَرقُس 5:14 Iomraidhean Croise

اِنجیلِ مَتّی 7:6

اونچی که مِقَدَّسِ ره سَکا ره نَدین و شه مِرواری ره خیائه پیش نَشِنین. نَکِنه اونا ره لینگِ لو بَیرِن و بَردَگِردِن، شِما ره حمله هاکانِن.

اِنجیلِ مَتّی 8:33

خی چَپونون فِرار هاکاردِنه، شَهرِ دِله بُوردِنه و تِمومِ داستان و مخصوصاً دِو بَزوائه جَریانِ، مَردِمِ وِسه بااوتِنه.

مَرقُس 5:13

عیسی وِشونِ اِجازه هِدا. پلید اِرواح بیرون بییَمونه و خی هائه دِله بُوردِنه. اون رَمهِ دِله حدودِ دِ هزارتا خی دَییه، خی ها تپهِ سَراشیبیِ جِم دریائه سَمت بوردِنه، اونِ دِله دَکِتِنه و اوه دِله غَرق بَینه.

مَرقُس 5:15

وِشون عیسیِ پَلی بییَمونه و وَختی بَدینه اون دِو بَزو مَردی که قَبلاً اون لشگَرِ گرفتار بییه، اِسا لِواس دَپوشیه و عاقل اونجه نیشته، بَتِرسینه.

لوقا 8:34

وَختی خی گالِشون اینِ بَدینه، در بُوردِنه و این جَریانِ شَهر و روستائه دِله پَخش هاکاردِنه.