مَرقُس 4:37 - کتاب مقدس به زبان مازندرانی - گویش شرقی

³⁷ یهویی دریا ره گَتِ کِلاک بَییته. موج ها جوری لتکائه کَش خارده که نزیک بییه لتکا اوه جِم پِر بَووه.

گیله ماز

³⁷ یِدَفه دَریا رِه گَتِه کولاک بِیته. موجِشان جوری لوتکایِ کَشِ خارنِه با که نَزیک با لوتکا اُویه جی پُر هَبو.

کتاب مقدس به زبان مازندرانی - گویش غربی

³⁷ ناخوَکی دَریارِه گَتِه کِلاک بَیتِه. موجیشون جوری لوتکایی کَش خاردِه گه نَزیک وِه لوتکا اُوئی جا پِر بَوو.

مَرقُس 4:37 Iomraidhean Croise

مَرقُس 4:36

وِشون جَمیِّتِ تَرک هاکاردِنه و عیسی ره هَمون لتکائه هِمراه که وه دِله نیشته بییه، شه هِمراه بَوِردِنه. چَن تا لتکائه دییه هم دَینه وِشونِ هِمراه شینه.

مَرقُس 4:38

ولی عیسی لتکائه دِمبال، شه سَرِ یِتا مِتکائه سَر بییِشته بییه و بَخواته بییه. شاگِردون وه ره بیدار هاکاردِنه و بااوتِنه: «اِسّا، تِ وِسه مهم نییه دَره هِلاک بومبی؟»

اعمال رَسولان 27:41

ولی کَشتی، اوهِ بِنِ یِتا صخره ها ره بَخُرده و ‌گل هِنیشته. کَشتیِ سینه دِماسیه و بی حرکت بَمونِسه، ولی کِشتیِ دِمبال، کِلاکِ ضرباتِ خاطِری بِشکِسه.

دوّمین نامه قرنتیانِ وَسین 11:25

سه کَش مِ ره چو بَزونه، اَت کَش سَنگسار بَیمه، سه کَش مِ سَفِرِ کَشتی غرق بَییه، یِتا شو و روزِ دریائه دِله دَیمه.