مَرقُس 4:34 - کتاب مقدس به زبان مازندرانی - گویش شرقی

³⁴ وه به جِز مَثِلِ هِمراه، جورِ دییه ای وِشونِ هِمراه گَب نَزو؛ ولی وَختی شه شاگِردون هِمراه خَلوِتِ جا دَییه، همه چی ره وِشونِ وِسه تُوضیح دائه.

گیله ماز

³⁴ اون بِجُز مَثَلِ هَمرَه جورِ دیگه اوشانه هَمرَه گَب نَزَنِه با؛ وَلی وَختی خودشه شاگِردانِ هَمرَه خَلوَتِ دِلِه دَبا، هَمِه چیرهِ اوشانه وَسین توضی دَنهِ با.

کتاب مقدس به زبان مازندرانی - گویش غربی

³⁴ وی بِجِز مَثَلی هَمرا جورِ دییَر وِشونی هَمرا گَب نَزو؛ ولی وختی شی شاگِردِنی هَمرا خَلوَتِ جا دَوِه، هَمه چیرِه وِشونی سِه توضی داوِه.

مَرقُس 4:34 Iomraidhean Croise

اِنجیلِ مَتّی 13:34

عیسی همه این چیا ره جَمیِّتِ وِسه مَثِلِ هِمراه بااوته و حَییقَتاً هم بِدونِ مَثِل وِشونِ هیچی نااوته.

مَرقُس 4:10

وَختی که عیسی تینا بییه، اون دِوازه نَفِر و اونایی که وه دورِ وَر دَینه مَثِلهائه خَوِری وه جِم بَپِرسینه.

مَرقُس 4:33

عیسی تا اونجه که تونِسِنه بِفَهمِن، خَله این طی مَثِل هائه هِمراه، خِدائه کِلامِ وِشونِ وِسه گاته.

لوقا 24:27

عیسی، موسی و تِمومِ پِیغَمبِرونِ جِم شِروع هاکارده و اونچیِ که تِمومِ مِقدَّسِ نوِشته هائه دِله وه خَوِری بااوته بَییه ره وِشونِ وِسه توضی هِدا.

اِنجیلِ یوحنا 10:6

عیسی این مَثِلِ وِشونِ وِسه بااوته، ولی وِشون نِفَهمِسِنه دَره وِشونِ چی گانه.

اِنجیلِ یوحنا 16:25

«اینا ره مَثِلِ هِمراه شِما ره بااوتِمه؛ ولی مووقه ای رِسِنه که دییه این طی شِمه هِمراه گَب نَزِمبه، بلکه پییِرِ خَوِری عَلِنی شِما ره گامبه.

اعمال رَسولان 28:23

پَس وِشون یِتا روزِ تعیین هاکاردِنه و خَله آدِمون پولُسِ سِره بییَمونه تا وه ره بَوینِن. وه صِواحی تا شو، خِدائه پادشاهیِ خَوِری وِشونِ وِسه شهادت دائه و تَقِلّا کارده، موسیِ تورات و پیغمبِرونِ نوِشتهِ هِمراه، عیسیِ خَوِری وِشون قانع هاکانه.