مَرقُس 4:33 - کتاب مقدس به زبان مازندرانی - گویش شرقی

³³ عیسی تا اونجه که تونِسِنه بِفَهمِن، خَله این طی مَثِل هائه هِمراه، خِدائه کِلامِ وِشونِ وِسه گاته.

گیله ماز

³³ عیسی تا اوجِه که تانِسَّن بِفَهمَن خیلی اینجور مَثَلایِ هَمرَه، خُدایِ کَلامِ اوشانه وَسین گونه با.

کتاب مقدس به زبان مازندرانی - گویش غربی

³³ عیسی تا اوجِه گه بَتِنِسِنِه بِفَهمِن خِیلی هَینجور مَثَلایی هَمرا، خِدایی کِلامِ وِشونی سِه گِتِه.

مَرقُس 4:33 Iomraidhean Croise

اِنجیلِ مَتّی 13:3

بعد عیسی خَله چیائه خَوِری مَثِلِ هِمراه وِشونِ وِسه گَب بَزو. بااوته: « یِتا بَرزِگَر، تیم بَپاشیئِنِ وِسه زِمین سَر بُورده.

مَرقُس 4:32

ولی وَختی دَکاشته بَووه، قدکَشِنه و باغِ تِمومِ گیاهونِ جِم گَت تِر بونه و گَتِ چِله یارنه،‌ جوری که آسمونِ پَرِنده ها توندِنه اونِ سایهِ بِن کِلی بَسازِن.»

مَرقُس 4:34

وه به جِز مَثِلِ هِمراه، جورِ دییه ای وِشونِ هِمراه گَب نَزو؛ ولی وَختی شه شاگِردون هِمراه خَلوِتِ جا دَییه، همه چی ره وِشونِ وِسه تُوضیح دائه.

اِنجیلِ یوحنا 16:12

«هَمتی خَله چیا دارمه که شِما ره بارِم، ولی اَلان وه بِشنُسِنِ طاقتِ نِدارنِنی.