مَرقُس 4:11 - کتاب مقدس به زبان مازندرانی - گویش شرقی

¹¹ عیسی وِشونِ بااوته: «خِدائه پادشاهیِ رازِ بِفَهمِسِن شِما ره هِدا بَییه، ولی بیرونی مَردِمِ وِسه، همه چی ره وِنه مَثِلِ هِمراه وِشونِ بارِم؛

گیله ماز

¹¹ عیسی اوشانه باَگوته: «خُدایِ پادشاهی یه رازِ بِفَهمِسَّن شِمِرِه هَدَه هَبا، وَلی دِرگایِ مَردُمانِ وَسین، هَمِه چیرِه بایسّی مَثَلهِ هَمرَه اوشانه باگوُم؛

کتاب مقدس به زبان مازندرانی - گویش غربی

¹¹ عیسی وِشونِه بُتِه: «خِدایی پادشاهی ای رازی بِفَهمِسَن شِمارِ هادا بَوِه، ولی دیرگایی مَردِنی سِه، هَمه چیرِه وِنِه مَثَلی هَمرا وِشونِه بُئِم؛

مَرقُس 4:11 Iomraidhean Croise

اِنجیلِ مَتّی 11:25

بعد عیسی شه گَبِ اِدامِه هِدا، بااوته: «اِی پییِر، اِی آسِمون و زِمینِ خِداوند، تِ ره شُکر گامبه كه این چیا ره عاقِلون و حَکیمونِ جِم قایم هاکاردی و کِچیکِ وَچونِ وِسه دیار بِساتی.

اِنجیلِ مَتّی 13:16

«ولی خِش به حال شِمه چِش که ویندِه و شِمه گوش که اِشنُنه.

اِنجیلِ مَتّی 16:17

عیسی، شَمعونِ جِواب بااوته: «اِی شمعون یونائه ریکا، خِش به حال تِ! چوون تِ اینِ آدِمِ جِم یاد نَییتی، بلکه مِ آسِمونی پییِر اونِ تِ وِسه دیار هاکارده.

مَرقُس 3:23

پَس عیسی وِشونِ شه پَلی صدا هاکارده و مَثِلِ هِمراه وِشونِ بااوته: «چه طی شیطان تونده، شیطانِ بیرون هاکانه؟

مَرقُس 4:10

وَختی که عیسی تینا بییه، اون دِوازه نَفِر و اونایی که وه دورِ وَر دَینه مَثِلهائه خَوِری وه جِم بَپِرسینه.

مَرقُس 4:2

عیسی یَته خَله چیا ره مَثِلهائه هِمراه وِشونِ یاد هِدا. وه اون مووقه که دَییه تَعلیم دائه وِشونِ بااوته:

لوقا 8:10

عیسی بااوته: «خِدائه پادشاهیِ سِرِّ بِفَهمِسِن، شِما ره هِدا بَییه، ولی بَقیه هِمراه مَثِلِ هِمراه گَب زَمبه، تا: «هارِشِن، ولی نَوینِن؛ بِشنُئِن، ولی نِفَهمِن.“

اوّلین نامِه قُرنتیانی سِه 4:7

چوون کی تِ ره یه جور دییه وینده؟ چی دارنی که تِ ره هِدا نَئی بوئه؟ پَس اگه تِ ره هِدا بَییه، چه یه جور فَخر کاندی که اِنگاری این طی نییه؟

دوّمین نامه قرنتیانِ وَسین 4:6

چوون هَمون خِدا که بااوته: «نور، تاریکیِ جِم بَتابه،» شه نورِ اَمه دلهائه دِله بَتابِندیه تا خِدائه جِلالِ بِشناسیِن، مَسیحِ دیمِ دِله، اِما ره نورانی هاکانه.

اِفِسُسیان 1:9

وه شه ارادهِ رازِ اِما ره بِشناسِندیه. طِبق شه خواسه که مَسیحِ دِله ظاهر هاکارده

کولُسیان 4:5

اون مردِمی که کلیسائه بیرون دَرِنه هِمراه، حکیمانه رِفتار هاکانین و هر وَختِ جِم خوار استفاده هاکانین .

اوّل تِسالونیکیان 4:12

تا وِشونِ پَلی که کلیسائه بیرون دَرِنه دِرِسیِ هِمراه زندگی هاکانین، و هیچ کسِ مِحتاج نَبوئین.

اول تیموتائوس 3:7

به علاوه، وه وِنه اون مَردمی میون که کلیسائه بیرون دَرِنه هم، خِشنوم بوئه تا رِسوا نَووه و اِبلیسِ تَله نَکِفه.

اوّل یوحنا 5:20

همین طی هم دومبی که خِدائه ریکا بَییَمو و اِما ره فَهم هِدا تا وه که حَییقَتِ ره بِشناسیم، و اِما وه دِله که حَییقَتِ دَرِمبی، یعنی وه ریکا، عیسی مَسیحِ دِله. وه خِدائه حَییقی و اَبدی زندگیِ.