مَرقُس 3:9 - کتاب مقدس به زبان مازندرانی - گویش شرقی

⁹ اون جَمیِّتِ خاطِری که اونجه دَینه، عیسی شه شاگِردونِ بااوته تا مَردِم وه سَر نَکِتِنه یِتا لَتکا وه وِسه آماده هاکانِن.

گیله ماز

⁹ اون اِزدحامِ خاطری که اوجِه دَبان، عیسی خودشه شاگِردانِ باَگوته تا مَردُم اونه سَر نَکِتَن ایتا لوتکا اونه وَسین آمادِه هَکُنَن.

کتاب مقدس به زبان مازندرانی - گویش غربی

⁹ اون اِزدحامی خاطری گه اوجِه دَوِنِه، عیسی شی شاگِردِنِه بُتِه تا مَردِن وی سَر نَکِتِنِه یَتِه لوتکا ویسِه آمادِه هاکِنِن.

مَرقُس 3:9 Iomraidhean Croise

اِنجیلِ مَتّی 15:39

بَعد از اون که عیسی مَردِمِ مِرخَص هاکارده، لَتکا سِوار بَییه و مَجَدانِ مَنطقه بُورده.

مَرقُس 4:1

اَت کَش دییه عیسی دریائه پَلی تَعلیم هِدائِنِ شِروع هاکارده. یَته خَله جَمیِّت وه دور جَمع بَینه، ‌جوری که مجبور بَییه یِتا لتکا که دریائه دِله دَییه ره سِوار بَووه و وه دِله هِنیشه، و تِمومِ جمیَّت دریالُو دَینه.

مَرقُس 4:36

وِشون جَمیِّتِ تَرک هاکاردِنه و عیسی ره هَمون لتکائه هِمراه که وه دِله نیشته بییه، شه هِمراه بَوِردِنه. چَن تا لتکائه دییه هم دَینه وِشونِ هِمراه شینه.

مَرقُس 5:2

وَختی عیسی لتکائه جِم جِر بییَمو، یِتا مَردی که پَلیدِ روح داشته، دَرجا قَبرسونِ جِم بیرون بییَمو و وه هِمراه چِش به چِش بَییه.

مَرقُس 5:30

عیسی دَرجا بِفَهمِسه که یِتا قِوَّت وه جِم بیرون بورده. پَس جَمیِّتِ دِله شه دورِ وَرِ هارِشیه و بَپِرسیه: «کی مِ قَوا ره دَس هاکارده؟»

مَرقُس 6:32

پَس تیناری، لَتکائه هِمراه یِتا خَلوِتِ جا، بوردِنه.

لوقا 5:1

یِتا روز که عیسی جِنیسارِتِ دریائه پَلی اِیست هاکارده بییه، مَردِم هر طَرِفِ جِم وه ره هجوم یاردِنه تا خِدائه کِلامِ بِشنُئِن،

لوقا 5:3

وه یِتا لَتکا که شَمعونِ وِسه بییه ره سِوار بَییه و وه جِم بَخواسه اَتِ کم لتکا ره دریالوِ جِم دور هاکانه. بعد شه، لَتکائه دِله هِنیشته و مَردِمِ تَعلیم هِدا.

اِنجیلِ یوحنا 6:15

عیسی وَختی بِفَهمِسه که مَردِم خوانِنه، بِیِّن و وه ره زور زوری بَیرِن و پادشاه هاکانن، اونجه ره تَرک هاکارده و اَت کَش دییه تیناری کوهِ سَر بُورده.