مَرقُس 3:10 - کتاب مقدس به زبان مازندرانی - گویش شرقی

¹⁰ چوون عیسی خَیلیا ره شِفا هِدا بییه، اینِ وِسه تِمومِ مریضون وه سَمت هجوم یاردِنه تا وه ره دَس هاکانِن.

گیله ماز

¹⁰ چون عیسی خِیلیان رِه شَفا هَدَه با، اینِه وَسین تمام مَریضان اونه سَمت هجوم هارنه بان تا اونه لَمس هَکُنَن.

کتاب مقدس به زبان مازندرانی - گویش غربی

¹⁰ چون عیسی خِیلیارِه شَفا هادا وِه، هَینِسه دِشتِه مَریضِن وی سَمت هجوم اُردِنِه تا وِرِه دَس هاکِنِن.

مَرقُس 3:10 Iomraidhean Croise

اِنجیلِ مَتّی 12:15

وَختی عیسی وِشونِ نخشهِ جِم خَوِر دار بَییه، اونجه جِم بورده جَمیِّتِ زیادی وه دِمبال بوردِنه و وه همهِ مریضونِ شِفا هِدا

اِنجیلِ مَتّی 14:14

هَمین که عیسی لَتکا جِم پیاده بَییه، جَمیِّتِ زیادی ره بَدیئه و وه دِل وِشونِ وِسه بَسوته و وِشونِ میونِ مَریضونِ شِفا هِدا.

اِنجیلِ مَتّی 14:36

وِشون وه جِم خواهِش هاکاردِنه كه فِقَط اِجازه هاده تا وه قَوائه تِکِ دَس بَزِنِن، و هر کی اونِ دَس کاردِه، شِفا گِته.

اِنجیلِ مَتّی 4:23

عیسی تِمومِ جَلیلِ دِله گِردِسه، یَهودیونِ عبادتگاه دِله تَعلیم دائه، خِدائه پادشاهی ره اِعلام کارده و مَردِمِ مَرِض و ناخِشی ره شِفا دائه.

مَرقُس 5:34

عیسی وه ره بااوته: «کیجا، تِ ایمون تِ ره شِفا هِدا. بور به سِلامت و این مریضیِ جِم شِفا بَیر!»

مَرقُس 6:56

عیسی هر روستا و شَهر و زِمینِ سَر که شیه، مَردِم، مریضونِ میدونائه سَر اییِشتِنه و وه جِم خواهش تَمِنّا کاردِنه که اِجازه هاده تا مریضون فِقَط وه قَوائه تِکِ دَس بَزِنِن؛ و هر کی دَس کارده، شِفا گِته.

مَرقُس 8:22

وَختی وِشون بِیت‌صِیْدائه شَهرِ دِله بَرِسینه، چَن نَفِر یِتا کورِ مَردی ره عیسی پَلی بیاردِنه، وه ره اِلتماس هاکاردِنه وه سَر دَس بییِلّه.

لوقا 5:3

وه یِتا لَتکا که شَمعونِ وِسه بییه ره سِوار بَییه و وه جِم بَخواسه اَتِ کم لتکا ره دریالوِ جِم دور هاکانه. بعد شه، لَتکائه دِله هِنیشته و مَردِمِ تَعلیم هِدا.

لوقا 6:19

تِمومِ مَردِم تَقِلّا کاردِنه شه ره عیسی ره بَرِسونِن و وه ره دَس هاکانِن، چوون نیرویی وه جِم بیرون اییَمو که همه ره شِفا دائه.

لوقا 7:2

اونجه یِتا رومی اَفسِر دَییه که یِتا نوکِر داشته و خَله وه وِسه با ارزش بییه. وه نوکِر مَریض بییه و دَییه مِرده.

لوقا 7:21

هَمون مووقه، عیسی خَله از اونایی که درد و مَرِض و پلید اِرواح داشتِنه ره شِفا هِدا و یَته خَله کورونِ بینا هاکارده.

اعمال رَسولان 5:15

تا جایی که حَتَّی مَریضونِ شَهرِ میدونهائه سَر یاردِنه و وِشونِ تَخت و دوشِکِ سَر اییِشتِنه تا وَختی پِطرُس اونجه جِم رَد بونه، لااقل وه سایه بَعضیائه سَر دَکِفه و شِفا هاده.

نامِه مَسیحینی عبرانی نِژادی سِه 12:6

چوون خِداوند اونایی که دوس دارنه ره، تربیت کانده، و هر کِسی ره که به ریکائی قبول کانده، تنبیه کانده.»