مَرقُس 2:16 - کتاب مقدس به زبان مازندرانی - گویش شرقی

¹⁶ وَختی توراتِ مَلِّمون که فریسیِ فِرقه جِم بینه، بَدینه که عیسی گِناهکارون و خَراجگیرونِ هِمراه غِذا خوارنه، وه شاگِردونِ بااوتِنه: «چه عیسی خَراجگیرون و گِناهکارونِ هِمراه غِذا خوارنه؟»

گیله ماز

¹⁶ وَختی توراتِ مُعَلِمین که فَریسی یه فرقِه یه جی بان، بَدییَن که عیسی گُناهکاران و خراجگیرانِ هَمرَه غذا خارنِه، اونه شاگِردان باگوتَن: «چِرا عیسی خراجگیران و گُناهکارانِ هَمرَه غذا خارنِه؟»

کتاب مقدس به زبان مازندرانی - گویش غربی

¹⁶ وختی توراتی مَلِّمِن گه فَریسی ای فرقِه ای جا وِنِه، بَئینِه گه عیسی گِناهکارِن و خراجگیرِنی هَمرا غذا خارنِه، وی شاگِردِنِه بُتِنِه: «چه عیسی خراجگیرِن و گِناهکارِنی هَمرا غذا خارنِه؟»

مَرقُس 2:16 Iomraidhean Croise

اِنجیلِ مَتّی 18:17

اَگه حاضِر نَووه وِشونِ گَبِ بِشنُئِه، كلیسائه گوش بَرِسون، و اَگه حاضِر نَووه حَتَّی كلیسائه گَبِ قَبول هاکانه، بعد وه هِمراه یِتا اَجنبی یا خراجگیرِ واری رِفتار هاکان.

اِنجیلِ مَتّی 5:46

اَگه فِقَط اونایی ره كه شِما ره دوس دارنِنه ره دوس دارین، چه اَجری دارنِنی؟ مَگه حَتَّی خراجگیرون هَم این كارِ نَکاندِنه؟

اِنجیلِ مَتّی 9:11

وَختی عُلِمائه فِرقه فَریسی اینِ بَدینه عیسیِ شاگِردونِ بااوتِنه: «چه شِمه اِسّا خَراجگیرون و گِناهکارونِ هِمراه غِذا خارنه؟»

مَرقُس 2:15

وَختی عیسی لاویِ سِره دِله، سِفره سَر نیشته بییه، یَته خَله از خراجگیرون و گِناهکارون عیسی و وه شاگِردونِ هِمراه هَمسِفره بینه، چوون یَته خَله از وِشون وه دِمبال شینه.

مَرقُس 2:7

«این مَردی چه این طی گَب زَنده؟ دَره کُفر گانه! به جِز خِدا کی تونده گِناهونِ بیامِرزه؟»

لوقا 18:11

فریسی اِیست هاکارده و شه هِمراه این طی دِعا هاکارده: ”خِدایا، تِ ره شکر کامبه که، دییهِ مَردِمِ واری دِز و ظالِم و زِنا کار نیمه، حَتّی این خراجگیرِ واری هم نیمه.

لوقا 19:10

چوون اِنسانِ ریکا بییَمو تا گوم بَیّه ره پی دا هاکانه و نِجات هاده.»

لوقا 19:7

وَختی مَردِم اینِ بَدینه، همه غُرغُر هِمراه گاتِنه: «یِتا گِناهکارِ سِره مِهمونی بُورده.»

لوقا 5:30

ولی عُلِمائه فِرقه فریسی و دَسه ای از تُوراتِ مَلِّمون که وِشونِ فِرقه جِم بینه، اعتراضِ هِمراه عیسیِ شاگِردونِ بااوتِنه: «چه خراجگیرون و گِناهکارونِ هِمراه خوارنِنی و نوشِنِنی؟»

اعمال رَسولان 23:9

یِتا گَتِ وَلوَشو بِلِند بَییه! بَعضی از توراتِ مَلِّمون که فَریسی بینه، بِلِند بَینه و بَدجور اِعتراض‌ هاکاردِنه بااوتِنه: «این مَردیِ دِله هیچ خَطایی نَویمبی. کجه جِم معلومِ که یِتا روح یا یِتا فرشته‌ وه هِمراه گَب نَزو بوئه.»

اوّلین نامِه قُرنتیانی سِه 2:15

آدِمی که خِدائه روحِ دارنه همه چیِ خَوِری داوِری کانده، ولی هیچ‌کی نَتونده وه خَوِری داوِری هاکانه.

نامِه مَسیحینی عبرانی نِژادی سِه 12:3

وه ره فکر هاکانین که چی طی گِناهکارونِ طَرِفِ جِم دِشمنی ای که وه علیه بییه ره تِحَمُّل هاکارده، تا شِما خَسّه و دلسرد نَووین.