مَرقُس 2:12 - کتاب مقدس به زبان مازندرانی - گویش شرقی

¹² اون چِلِخِ مَردی بِلِند بَییه و دَرجا شه لا ره جَمع هاکارده و هَمهِ چِشِ پلی، اونجه جِم بیرون بُورده، یه جور که همه تَعجِّب هاکاردِنه و خِدا ره شِکر کاردِنه، گاتِنه:«هیچ وَخت این طی چی ای نَدی بیمی.»

گیله ماز

¹² اون چُلاقِ مَردَای ورِسَه دَرجا خودشه لا رِه جَمع هَکُردِه و هَمِه یه چِشِ وَر اوجِه یه جی دِرگا بَشَه، هَمِه تَعجب هَکُردَن و خُدا رِه شُکر هَکُردَن گونه بان: «هیچ وَخت اینجور چیزی نَدیه بِیم.»

کتاب مقدس به زبان مازندرانی - گویش غربی

¹² هون چِلِّخِ مَردی پِرِسا دَرجا شی لارِه جَم هاکِردِه و هَمه ای چِشی وَر اوجِه ای جا دیرگا بوردِه، یَجور گه هَمه تَجِّب هاکِردِنِه و خِدارِه شِکر کِردِنِه گِتِنِه: «هیچ وَخت هَینجور چی ای نَئیوِمی.»

مَرقُس 2:12 Iomraidhean Croise

اِنجیلِ مَتّی 12:23

مَردِم بِهت هاکاردِنه بااوتِنه: «بونه این مَردی هَمون مَسیحِ موعود بوئه که قِرارِ داوودِ پادشاهِ نَسلِ جِم بِیّه؟»

اِنجیلِ مَتّی 15:31

مَردِم وَختی بَدینه، لالا گَب زَندِنه، چِلِخون خوار بَینه، شَلون راه شونِنه، کورون ویندِنه، بِهت هاکاردِنه و اِسرائیلِ خِدا ره حَمد بااوتِنه.

اِنجیلِ مَتّی 9:33

عیسی دِوِ وه جِم بیرون هاکارده و وه زِوون واز بَییه. مَردِم این معجزهِ جِم خَله بِهت هاکاردِنه، بااوتِنه: «تا اَلان اِسرائیلِ قومِ دِله هیچ وَخت همچین چیزی بَدیئه نَییه»

اِنجیلِ مَتّی 9:8

مَردِم وَختی این مُعجِزه ره بَدینه بَتِرسینه و خِدا ره شِکر هاکاردِنه که این طی قِدرَتی آدِمونِ هِدا.

مَرقُس 1:27

تِمومِ مَردِم جوری تَعجِّب هاکارده بینه که هَمدییه جِم پِرسینه: «این دییه چیه؟ یِتا جدیدِ تَعلیم، قِدرت و اِختیارِ هِمراه! وه حَتّی پلیدِ اِرواحِ هَم دَستور دِنه و اونا وه جِم اِطاعت کاندِنه»

مَرقُس 2:11

تِ ره گامبه، پِرِس، شه لا ره جَمع هاکان و سِره بور!»

لوقا 13:13

بعد عیسی شه دَسِ وه سَر بییِشته و اون زِنا دَرجا راس اِیست هاکارده و خِدا ره پَرسش هاکارده.

لوقا 17:15

یِتا از وِشون وَختی بَدیئه شِفا بَییته، هَمون طی که بِلِند بِلِند خِدا ره پرسِش کارده، بَردَگِردِسه

لوقا 5:26

همه این اتّفاقِ جِم خَله تَعَجِّب هاکاردِنه، خِدا ره پَرَسِش کاردنه و در حالی که تَرس وِشونِ وجودِ بَییته بییه، گاتِنه: «اَمروز عجیبِ چیایی بَدیمی.»

لوقا 7:16

تِمومِ مَردِم بَتِرسینه و هَمون طی که خِدا ره شُکر کاردِنه، گاتِنه: «یِتا گَتِ پیغَمبِر اَمه میون ظِهور هاکارده. خِدا شه قومِ مِلاقات هاکارده.»

اِنجیلِ یوحنا 7:31

با این وجود، خَله از مَردِم وه ره ایمون بیاردِنه. وِشون گاتِنه: «مگه وَختی مَسیحِ موعود بِیّه، این مَردیِ جِم ویشتَر معجِزه کانده؟»

اِنجیلِ یوحنا 9:32

از اَوِّل دِنیا تا اَلان هیچ وَخت بِشنُسه نَییه هیچ کس کورِ مادرزادِ چِشا ره واز هاکانه.

اعمال رَسولان 4:21

شورائه آدِمون بعد از این که پِطرُس و یوحنا ره خَله تهدید هاکاردِنه، وِشونِ وِل هاکاردِنه چوون راهی پی دا نَکاردِنه تا وِشونِ مِجازات هاکانِن، چوون تِمومِ مَردِم اونچیِ وِسه که اتِّفاق دَکِته بییه، خِدا ره حمد و ثناء کاردِنه.