مَرقُس 16:20 - کتاب مقدس به زبان مازندرانی - گویش شرقی

²⁰ شاگِردون هم بیرون بُوردِنه و همه جا تَعلیم دانه، خِداوند وِشونِ هِمراه کار کارده و شه کِلامِ اون نشونه و معجِزاتِ هِمراه که شاگِردون اِنجام دانه، ثابت کارده.

گیله ماز

²⁰ شاگِردان هم دِرگا بَشَن و هَمِه جا تَعلیم دَنهِ بان. خداوند اوشانه هَمرَه کار کانِبا و خودشه کَلامِ اون نِشانه و معجزاتِ هَمرَه که شاگِردان انجام دَنهِ بان، ثابِت کانِبا.

کتاب مقدس به زبان مازندرانی - گویش غربی

²⁰ شاگِردِن هَم دیرگا بوردِنِه و هَمه جا تَعلیم داوِنِه. خِداوَند وِشونی هَمرا کار کِردِه و شی کَلامِ هون نِشونِه و معجزاتی هَمرا گه شاگِردِن اَنجام داوِنِه، ثابِت کِردِه.

مَرقُس 16:20 Iomraidhean Croise

مَرقُس 16:19

پَس عیسایِ خِداوند بعد از اون که این گَب ها ره وِشونِ بَزو، آسِمون بَورده بَییه و خِدائه راسِ دَسِ هِنیشته.

لوقا 1:1

عالیجناب تئوفیلوس، از اونجه که خَیلیا اقدام به بَنوشتِنِ کارایی هاکاردِنه که اَمه پَلی اتِّفاق دَکِته،

لوقا 1:2

دِرِس هَمون‌ طی اونایی که از اَوِّل، شه چِشِ هِمراه بَدینه و کِلامِ خادِم بَینه، اِما ره بِسپارِسِنه،

اعمال رَسولان 14:3

پَس پولُس و بَرنابا خَله زِمون اونجه بمونِسِنه و جِرأتِ هِمراه خِداوندِ وِسه گَب بَزونه، خِداوندی که وِشونِ قِوَّت هِدا تا نشونه ها بیارِن و معجزات هاکانِن، این طی شه فِیض بَخشِ پیغومِ تأیید کارده.

اعمال رَسولان 4:30

و شه دَسِ هم، شِفا هِدائِنِ وِسه دراز هاکان و شه مِقَدَّسِ خادم عیسیِ اسمِ هِمراه نِشونه ها و معجزات هاکان.»

اعمال رَسولان 5:12

رَسولون هَمش قومِ دِله خَله نشونه ها و معجزات کاردِنه و تِمومِ ایموندارون یَک دِل سِلیمونِ رِفاق سَر جَمع بونِسِنه.

رومی ایشون 15:19

وه اینِ نشونه ها و معجِزاتِ قِوَّتِ هِمراه، یعنی خِدائه روحِ قِوَّتِ هِمراه اِنجام هِدا، اون طی که اورشَلیمِ جِم تا «ایلیریکوم» بوردِمه و کاملاً مَسیحِ اِنجیلِ خِدمتِ اِنجام هِدامه.

دوّمین نامه قرنتیانِ وَسین 6:1

پَس اون چیِ دِله که خِدائه هِمراه همکاریمی، شِمه جِم خواهش دارمی که خِدائه فیضِ اَلِکی نَییت بوئین.

نامِه مَسیحینی عبرانی نِژادی سِه 2:3

اگه اِما این طی گَتِ نِجاتِ جِم غافل بوئیم، چی طی اون جَزائه جِم دَر بوریم؟ این نِجات اَوِّل خِداوندِ طَریقِ جِم اِعلام بَییه و بعد اونائه طَریق که اونِ بِشنُسِنه اَمه وِسه ثابت بَییه،

نامِه مَسیحینی عبرانی نِژادی سِه 2:4

هَمون طی که خِدا هم جورواجورِ نشونه ها و عجیب غَریبِ معجزات، و روح‌القدسِ عطاها، که طبقِ شه اِراده دِنه، اون، نِجاتِ گواهی هِدا.