مَرقُس 16:2 - کتاب مقدس به زبان مازندرانی - گویش شرقی

² پَس هفتهِ اَوِّلین روز، زودِ صِواحی، مووقه ای که داشته خِرشید در اییَمو، زَن ها مقبرهِ سَمت راه دَکِتِنه.

گیله ماز

² پَس اوَّلین روزهفته، صُبِ سَر، موقِه ای که خورشید دَبا دَر بیِه، زِناکان مَقبَرِه یه سَمت رادَکِتَن.

کتاب مقدس به زبان مازندرانی - گویش غربی

² پَس هفته ای اوَّلین روز، صِبِ دَم، موقِه ای گه دِ خِرشید دَر ایمو، زَناکِنِن مَقبَرِه ای سَمت راه دَکِتِنِه.

مَرقُس 16:2 Iomraidhean Croise

اِنجیلِ مَتّی 28:1

بَعد از مِقدَّسِ شنبه، هفتهِ اَوِّلین روز، مَریِمِ مَجدلیه و اون یِتا مَریِم مَقبَرهِ بَدیئِنِ وِسه بُوردِنه.

مَرقُس 16:1

وَختی مِقدَّسِ شنبه روز تِموم بَییه، مَریِمِ مَجْدَلیّه و مریِم، یَعقوبِ مار و سالومه، عَطری راغون بَخرینه تا بورِن و عیسیِ جِنازه ره عطری راغون بَزِنِن.

مَرقُس 16:3

وِشون هَمدییه ره گاتِنه: «کی خوانه اَمه وِسه سَنگِ، مَقبرهِ دِهونهِ جِم غَلت هاده؟»

لوقا 24:1

یکشنبه روز، صِواحی، زَن ها ادویه جاتیِ که تهیّه هاکارده بینه ره شه هِمراه بَییتِنه و مَقبرهِ سَر بُوردِنه.

اِنجیلِ یوحنا 20:1

هفتهِ اَوِّلین روز، زودِ صِواحی، مووقه ای که هَمتی هِوا تاریک بییه، مَریِمِ مَجْدَلیّه مَقبرهِ سَر بییَمو و بَدیئه که سَنگ، مَقبره دَرِ وَر کِنار بُورده.