مَرقُس 15:43 - کتاب مقدس به زبان مازندرانی - گویش شرقی

⁴³ یه نَفِر به اسمِ یوسِف که اَهل رامه بییه جِرأت هاکارده و پیلاتُسِ پَلی بُورده و عیسیِ جنازه ره بَخواسه. یوسِف جِزوِ یَهودِ شورا بییه و وه ره اِحترام اییِشتِنه، و خِدائه پادشاهیِ اِنتِظارِ کَشیه

گیله ماز

⁴³ یَنفر به اِسم یوسِف که رامِه جی با جُرعَت هَکُردِه و پیلاتُسِ وَرجه بَشَه و عیسی یِه جِنازِه رِه بِخَسِّه. یوسِف یَهودِ شورایِ جی با و اونه احترام نَنِه بان، وَ خُدایِ پادشاهِی یه انتظارِ کَشِنه با،

کتاب مقدس به زبان مازندرانی - گویش غربی

⁴³ یَنَفَر به اِسمِ یوسِف گه اَهل رامَه وِه جِرأت هاکِردِه و پیلاتُسی وَر بوردِه و عیسایی جِنازِه رِه بَخوایسِه. یوسِف جِزو یَهودی شورا وِه و وِرِه اِحترام اِشتِنِه، و خِدایی پادشاهی ای انتظارِ کَشیِه،

مَرقُس 15:43 Iomraidhean Croise

اِنجیلِ مَتّی 19:30

ولی خَیلیا که اَوِّلینِنه، آخِرین بونِنه و اونایی که آخِرینِنه، اَوِّلین!

اِنجیلِ مَتّی 20:16

"اَرِه، این طیِ که اونایی که آخِرِنه، اَوِّل بونِنه و اونایی کِه اَوِّلِنه، آخِر."

اِنجیلِ مَتّی 27:57

نِماشون، یِتا مال و مِنالدارِ مَردی رامهِ جِم که وه اسمِ یوسِف و عیسیِ شاگِرد بییه،

مَرقُس 14:54

پِطرُس هَم دورادور عیسیِ دِمبال بُورده تا کاهِن اَعظمِ سِرهِ حیاط دِله بَرِسیه. اونجه، تَشِ پَلی، نگهوونونِ هِمراه نیشته بییه و شه ره گَرم کارده.

مَرقُس 15:44

پیلاتُس که باوِر نَکارده عیسی اَنده زود بَمِرده بوئه، سربازونِ فَرمونده ره شه پَلی صِدا هاکارده تا بَوینه عیسی بَمِرده یا نا.

لوقا 2:25

اون وختا، اورشَلیمِ دِله یِتا مَردی که وه اسم شَمعون بییه زندگی کارده که صالح و خِدا تَرس بییه و اِنتظار کَشیه تا مَسیحِ موعود ظِهور هاکانه، شَمعون روح القدسِ داشته.

لوقا 2:38

وه هَمون مووقه جلو بییَمو و خِدا ره شکر هاکارده، و تِموم اونائه هِمراه که اورشَلیمِ آزادیِ چِش به راه بینه، عیسیِ خَوِری گَب بَزو.

لوقا 23:50

اونجه یِتا مَردی دَییه که وه اسم یوسِف بییه، یوسِف رامهِ جِم بییه، یِتا از یَهودیونِ شهرا، وه مَردی خوار و صالح بییه. یوسِف با اینکه شورائه عضو بییه،

لوقا 23:51

ولی شورائه رأی و تَصمیمِ هِمراه موافق نَییه و خِدائه پادشاهیِ اِنتِظارِ کَشییه.

اِنجیلِ یوحنا 19:38

بعد از این اتفاقا، یوسِف، که اَهلِ رامه بییه، پیلاتُسِ جِم اِجازه بَخواسه تا عیسیِ جَسِدِ بَیره. یوسِف عیسیِ شاگرد بییه، ولی یِواشکی، چوون یَهودیونِ جِم تَرسیه. پیلاتُس وه ره اِجازه هِدا. پَس بییَمو، عیسیِ جَسِدِ بَییته.

اعمال رَسولان 13:50

ولی یَهودیون، متعصب و سَرشناس زَن ها و شَهرِ مَردا که رَهبِر بینه ره تحریک هاکاردِنه و وِشون، پولُس و بَرنابا ره آزار اذیّت هاکاردِنه. پَس پولُس و بَرنابا ره اون مَنطقهِ جِم بیرون هاکاردِنه.

اعمال رَسولان 17:12

این طی، یَهودیونِ جِم یَته خَله و سرشناسِ یونانی زَن ها و مردائه جِم هم یَته خَله ایمون بیاردِنه.

فیلیپیان 1:14

و مِ زندون دَکِتِنِ باعث بَییه که ویشتر بِرارون، خِداوندِ دِله وِشونِ دِل، قَویتر بَووه تا تِمومِ جِرأتِ هِمراه، بی تَرس خِدائه کِلامِ بارِن.