مَرقُس 15:21 - کتاب مقدس به زبان مازندرانی - گویش شرقی

²¹ سربازون یه نَفِرِ که وه اسم شَمعون بییه و اونجه جِم دَییه رَد بونِسه ره مجبور هاکاردِنه عیسیِ صلیبِ دوش بَکِشه. وه اَهل قیرَوان بییه و اِسکندر و روفُسِ پییِر بییه. وه هَمون مووقه دَییه زِمینِ سَرِ جِم اییَمو.

گیله ماز

²¹ سَربازان یِنَفر که اونه اِسم شَمعون با و اوجِه یه جی دَبا رَد هَبو رِه مَجبور هَکُردَن عیسی یِه صَلیبِ به دوش بَکِشِه. اون قیروانِ جی با و اسکندر و روفُسِ پیر با. اون همون موقِه دَبا بِجارسَرِ جی بیِه.

کتاب مقدس به زبان مازندرانی - گویش غربی

²¹ سَربازِن یَنَفر گه وی اِسم شَمعون وِه و اوجِه دِ رَد وونِسِه رِه مَجبور هاکِردِنِه عیسایی صَلیبِ دوش بَکِشِه. وی اَهلِ قیروان وِه و اسکندر و روفُسی پیر وِه. وی هَمون موقِه دِ زَمی سَری جا ایمو.

مَرقُس 15:21 Iomraidhean Croise

اِنجیلِ مَتّی 27:32

اون مووقه که بیرون شینه، یِتا مَردی که وه اسم شَمعون و قیرَوانِ جِم بییه ره بر بَخُردِنه و وه ره وادار هاکاردِنه عیسیِ صَلیبِ بَوِره.

اِنجیلِ مَتّی 5:41

هَر وَخت کِسی تِ ره زور هاکارده یه کیلومِتر وه هِمراه راه بوری، دِ کیلومتر وه هِمراه بور.

مَرقُس 15:20

بعد از اون که وه ره مَسخره هاکاردِنه، اَرغِوونی قَوا ره وه تَنِ جِم در بیاردِنه، شه وه لِواسِ وه تَن دَکاردِنه. بعد وه ره بیرون بَوِردِنه تا مَصلوب هاکانِن.

لوقا 14:27

هر کی شه صَلیبِ شه دوش نَکِشه و مِ دِمبال نَیّه، نَتونده مِ شاگرد بوئه.

لوقا 23:26

وَختی عیسی ره وَردِنه، یِتا مَردی که وه اِسمِ شَمعون و قیرَوانی بییه و دَییه زِمینِ سَرِ جِم، شَهر اییَمو ره بَییتِنه و صلیبِ وه دوش بییِشتِنه و وه ره زور هاکاردِنه اونِ عیسیِ دِمبالِ سَر بَوِره.

اِنجیلِ یوحنا 19:17

عیسی شه صَلیبِ دوش بَکِشیه، مَحَلی که وه اسمِ کَلّهِ کاسه و آرامیِ زِوون جُلجُتا گاتِنه، بورده.

اعمال رَسولان 11:20

ولی وِشونِ میون چَن نَفِر قبرس و قیرَوانِ آدِمونِ جِم دَینه، وِشون وَختی اَنطاکیه بَرِسینه، یونانیونِ هِمراه هم گَب بَزونه و عیسیِ خِداوندِ، خَوَرِ خِشِ وِشونِ هِدانه.

اعمال رَسولان 13:1

اَنطاکیهِ کلیسائه دِله پِیغَمبِرون و مَلِّمون دَینه: بَرنابا، شَمعونِ مَعروف به نیجِر، لوکیوسِ قیرَوانی، مَنائِن که هیرودیسِ حاکمِ ناتَنی بِرار بییه و شائول.

اعمال رَسولان 2:10

فْریجیه و پامفیلیه و مِصر و لیبیِ اون قسمت ها که قیرَوانِ وِسه بییه و رومی زائِرون

اعمال رَسولان 6:9

اون مووقه چَن نَفِر، یِتا عبادتگاه جِم، که اونِ اسم «آزاد بَییه هائه عبادتگاه» بییه، که قیرَوانِ یَهودیونِ جِم و اسکندریه و کیلیکیه و آسیائه مَنطقهِ جِم هم بینه، استیفانِ هِمراه بَحث هاکاردِنه.

رومی ایشون 16:13

روفُس وِسه که خِداوندِ دِله انتخاب بَییه، و وه مارِ وِسه که مِ حَق، مارگری هاکارده ره سِلام بَرِسونین.