مَرقُس 14:58 - کتاب مقدس به زبان مازندرانی - گویش شرقی

⁵⁸ «اِما شه بِشنُسیمی که گاته، ”این مَعبِدِ که آدِمیِ دَس بِساته بَییه ره له دِمبه و سه روزِ سَر، یِتا دییه مَعبِد سازِمبه که آدِمیِ دَسِ هِمراه بِساته نَییه بوئه»

گیله ماز

⁵⁸ «اَما خودِمان بِشنَوِسّیم که گونه با، ”این مَعبدِ که آدَمی یه دَس بِساتِه هَبا رِه فور هارنَم و سِه روزِ سَر، ایتا دیگه مَعبَد سازَنَم که آدَمی یه دَسِ هَمرَه بِساته نَبا بو.“‌»

کتاب مقدس به زبان مازندرانی - گویش غربی

⁵⁸ «اَما شِه بِشنُسِمی گه گِتِه، ”هَین مَعبدِ گه آدَمی ای دَس بَسات بَوِه رِه لی دِمِه و سِه روزی سَر، یَت دییَر مَعبَد ساجِمِه گه آدَمی ای دَسی هَمرا بَسات نَوِه وو.“‌»

مَرقُس 14:58 Iomraidhean Croise

اِنجیلِ مَتّی 26:61

بااوتِنه: «این مَردی بااوته: 'مِن تومبه خِدائه مَعبِدِ له هادِم و سه روزِ سَر، اَی دِواره وه ره بَسازِم.

مَرقُس 14:57

بعد چَن نَفِر جلو بییَمونه و عیسیِ علیه دِراغی شهادت هِدانه، بااوتِنه:

مَرقُس 14:59

ولی حَتَّی وِشونِ این شِهادت هم، هَمدییهِ هِمراه جور دَرنییَمو.

مَرقُس 15:29

اونایی که اونجه جِم رَد بونِسه شه سَرِ تکون دانه و فحشِ هِمراه گاتِنه: «اِی تِ که خواسی مَعبِدِ له هادی و اَی اونِ سه روزِ سَر از نو بَسازی،

اِنجیلِ یوحنا 2:19

عیسی وِشونِ جِواب هِدا: «این مَعبِدِ لِه هادین و مِن سه روزِ سَر اونِ اَی دِواره سازِمبه.»

اعمال رَسولان 7:48

«با این وجود خِدائه مِتَعال، اون سِره هایی که آدِمی دَسِ جِم بِساته بَییه بوئه، منزل نَکانده، هَمون طی که اِشعیائه پِیغَمبِر بااوته:

دوّمین نامه قرنتیانِ وَسین 5:1

اِسا دومبی هر وَخت این خیمه یعنی اَمه زِمینی سِره که اونِ دِله زندگی کامبی له بوره، خِدائه جِم یِتا عمارت دارمی، یِتا سِره که دَسِ هِمراه بِساته نَییه و آسمونِ دِله اَبدیِ.

نامِه مَسیحینی عبرانی نِژادی سِه 9:11

ولی وَختی مَسیح، کاهِنِ اعظمِ مقامِ دِله خوارِ چیائه وِسه بییَمو که اَلان اَمه نَصیب بَییه، وه یِتا گَتتِر و کاملترِ خیمهِ دِله بییَمو که دَسِ هِمراه بِسات نَییه و این خِلقتِ وِسه نییه.

نامِه مَسیحینی عبرانی نِژادی سِه 9:24

چوون مَسیح اون قدس‌الاقداسِ دِله که دَسِ هِمراه بِسات بَییه، نَشیه و فِقَط اون حَییقی چیائه جِم یِتا نمونه ئه، بلکه خودِ آسمونِ بورده تا اَمه طَرِف جِم خِدائه حِضور ظاهر بَووه.