مَرقُس 14:53 - کتاب مقدس به زبان مازندرانی - گویش شرقی

⁵³ وِشون عیسی ره کاهِنِ اَعظمِ پَلی بَوِردِنه. اونجه تِمومِ گَت گَتِ کاهِنون و مشایخ و توراتِ مَلِّمون جَمع بَییه بینه.

گیله ماز

⁵³ اوشان عیسی رِه کاهِنِ اَعظمِ وَرجه بَبِردَن. اوجِه تمام گَتِه کاهِنان و مشایخ و توراتِ مُعَلِمینِ جَم هَبا بان.

کتاب مقدس به زبان مازندرانی - گویش غربی

⁵³ وِشون عیسی رِه کاهِنِ اَعظمی وَر بَوِردِنِه. اوجِه دِشتِه گَت گَتِه کاهنِن و مشایخ و توراتی مَلِّمِن جَم بَوِه وِنِه.

مَرقُس 14:53 Iomraidhean Croise

اِنجیلِ مَتّی 26:3

پَس گَت گَتِ کاهِنون و قومِ مَشایخ، قیافائه کاخِ دِله که کاهِنِ اَعظم بییه، جَمع بَینه

مَرقُس 14:52

ولی وه اون کَتونِ پارچه که شه تَن داشته ره دِم هِدا و لِخت دَر بُورده.

مَرقُس 15:1

زودِ صِواحی، دَرجا، مَعبِدِ گَت گَتِ کاهِنون، مَشایخ و توراتِ مَلِّمون و تِمومِ یَهودِ شورا یه جا جَمع بَینه و هَمدییهِ هِمراه مَشورت هاکاردِنه. وِشون عیسی ره دَس دَوِسه بَوِردِنه و پیلاتُسِ رومی فرموندارِ تَحویل هِدانه.