مَرقُس 14:1 - کتاب مقدس به زبان مازندرانی - گویش شرقی

¹ دِ روز، پِسَخ و فَطیرِ عیدِ بَمونِسه بییه. مَعبِدِ گَت گَتِ کاهِنون و توراتِ مَلِّمون یِتا راهِ دِمبال دَیینه که عیسی ره کَلِکِ هِمراه بَیرِن و بَکوشِن،

گیله ماز

¹ دو روز بِه عیدِ پِسَخ و فَطیر بُمانِسِّه با. مَعبدِ گَتِه کاهِنان و توراتِ مُعَلِمین ایتا راهِ دُمّال دَبان که عیسی رِه کَلَکِ هَمرَه گیر تُووادَن و بَکوشَن.

کتاب مقدس به زبان مازندرانی - گویش غربی

¹ دِ روز پِسَخ و فَطیری عیدِ بَمونِس وِه. مَعبدی گَت گَتِه کاهنِن و توراتی مَلِّمِن یَتِه راهی دِمال دَوِنِه گه عیسی رِه کَلَکی هَمرا هَماسَن و بَکوشِن.

مَرقُس 14:1 Iomraidhean Croise

اِنجیلِ مَتّی 12:14

ولی عُلِمائه فِرقه فَریسی عِبادَتگاهِ جِم بیرون بوردِنه وعیسیِ بَکوشتِنِ وِسه نخشه بَکِشینه.

اِنجیلِ مَتّی 6:2

«پَس هَر وَخت یِتا مِحتاجِ کُمِک کاندینی، اونِ ساز و کِرنائه هِمراه جار نَزِنین، اون طی که دِرویون، یَهودیونِ عِبادتگاه و کَر و کوچِهِ دِله کاندِنه تا بَقیه وِشونِ جِم تَعریف هاکانِن. حَییقَتِن شِما ره گامبه، وِشون شه اَجرِ بَییتِنه!

مَرقُس 14:12

فطیرِ عیدِ اَوِّلین روز که پِسَخِ وَره ره قِروونی کاندنه، عیسیِ شاگِردون وه جِم بَپِرسینه: «خوانی کِجه بُوریم و تِ وسه تَهیّه بَوینیم تا پِسَخِ شومِ بَخُری؟»

مَرقُس 14:2

چوون گاتِنه: «نوِسه عیدِ روزائه دِله این کارِ هاکانیم، نَکِنه یه مووقه مَردِم شورش هاکانِن.»

اِنجیلِ یوحنا 11:47

پَس مَعبِدِ گَت گَتِ کاهِنون و عُلِمائه فِرقه فریسی جَلِسه بَییتِنه، بااوتِنه: «چی هاکانیم؟ این مَردی دَره خَله نشونه و معجزه کانده.

اِنجیلِ یوحنا 13:1

قبل از پِسَخِ عید، عیسی دونِسه وه ساعت بَرِسیه تا این دِنیائه جِم پییِرِ پَلی بُوره، شه شاگِردونِ که این دِنیائه دِله دوس داشته ره کاملاً مِحَبَّت هاکارده.

اعمال رَسولان 12:4

هیرودیس بَعد از اینکه پِطرسِ دسگیر هاکارده، وه ره زِندونِ دِله دِم هِدا و چهار تا دَسۀ چهارتایی سربازِ وه نگهوونیِ وِسه بییِشته. و خواسه بعد از پِسَخِ عید، وه ره مَردِمِ پَلی محاکمه هاکانه.