مَرقُس 13:11 - کتاب مقدس به زبان مازندرانی - گویش شرقی

¹¹ پَس هر وَخت شِما ره دسگیر هاکاردِنه و محکمه بَکِشِندینه، پیش پیش نِگرون نَووین که چی بارین، بلکه اون چی که هَمون مووقه شِمه وِسه اِنه، اونِ بارین؛ چوون اونی که گَب زَنده شِما نینی، بلکه روح‌القُدُسِ.

گیله ماز

¹¹ پَس هر وَخت شِمِره دَسگیر هَکُردَن و مَحکَمِه بَکِشاندَن، پیش پیش نِگَران نَبین که چی باگویین، بلکه اونچه که همون موقِه شِمِرِه هَدَه بونه، اونِه باگویید، چون اونیکه گَب زَنه شُما نییَین، بلکه روح القُدُسِ.

کتاب مقدس به زبان مازندرانی - گویش غربی

¹¹ پَس هر وَخت شِمارِ هَماسینِه و مَحکَمِه بَکِشانینِه، پِش پِش نِگَرون نَووئین گه چی بُئین، بَلگی اونچی گه هَمون موقِه شِمِنِه اِنِه، اونِه بُئین، چون اونیگه گَب زَنِّه شِما نینی، بَلگی روح القُدُسِ.

مَرقُس 13:11 Iomraidhean Croise

اِنجیلِ مَتّی 10:17

شِمه حِواس، مَردِمِ بوئه، چوون وِشون شِما ره مَحکَمِه تَحویل دِنِنه و شِما ره شه عِبادَتگاهِ دِله فَلِک وَندِنه و شِلاق زَندِنه

مَرقُس 13:12

بِرار، بِرار و پییِر، وَچه ره مَرگِ تَسلیم کانده. وَچون شه پییِرمارِ علیه حِرِسِنِنه و وِشونِ کُشتن دِنِنه.

مَرقُس 13:9

«ولی شِما شه مواظب بوئین، چوون شِما ره مَحکمهِ تحویل دِنِنه و عبادتگاه هائه دِله زَندنه و مِ خاطِری فرموندارون و پادشاهونِ پَلی اِیست کاندینی تا وِشونِ روب رو شِهادِت هادین.

لوقا 21:12

«ولی قبل از این اِتّفاق، شِما ره گِرنِنه، اذیّت کاندِنه، و محاکمهِ وِسه عبادتگاه هائه دِله وَرنِنه و زِندون هائه دِله دِم دِنِنه، و مِ اسمِ خاطِری، شِما ره پادشاهون و فرموندارون پَلی وَرنِنه

اِنجیلِ یوحنا 3:27

یحیی وه جِواب بااوته: «آدِمی نتونده یه چی به‌دس بیاره، مگه این که خِدائه طَرِفِ جِم وه ره هِدا بَووه.

اعمال رَسولان 2:4

بعد همه روح‌القُدُسِ جِم پِر بَینه و هَمون طی که روح، وِشونِ گَب بَزوئِنِ قِوَّتِ دائه، دییه زِوون هائه هِمراه گَب بَزوئِنِ شِروع هاکاردِنه.

اعمال رَسولان 3:13

ابراهیمِ خِدا و اِسحاقِ خِدا و یَعقوبِ خِدا، اَمه پییِرونِ خِدا، شه خادِم عیسی ره جِلال هِدا، همونی که شِما وه ره تَسلیم هاکاردینی و پیلاتُسِ فرموندارِ پَلی وه ره اِنکار هاکاردینی، هرچَن پیلاتُسِ نَظِر این بییه که وه ره آزاد هاکانه.

اعمال رَسولان 4:31

بعد از وِشونِ دِعا، جایی که اونجه جَمع بینه ‌لَرزه دَکِته و همه روح‌القُدُسِ جِم پِر بَینه، و خِدائه کِلامِ جِرأتِ هِمراه گاتِنه.

اعمال رَسولان 6:10

ولی استیفان اون حِکمَت و خِدائه روحِ هِمراه که گَب زوئه، هیچ کَس نَتونِسه وه روب رو اِیست هاکانه.

اعمال رَسولان 6:15

هَمون مووقه، تِمومِ اونایی که شورائه دِله نیشته بینه اِستیفانِ زِل بَزو بینه و بَدینه که استیفانِ دیم یِتا فِرشتهِ دیمِ واری بَییه.

اعمال رَسولان 7:55

ولی استیفان روح‌القُدُس جِم پِر، آسمونِ زِل بَزو، خِدائه جِلالِ بَدیئه و عیسی ره که خِدائه راسِ دَسِ وَر اِیست هاکارده بییه.

اوّلین نامِه قُرنتیانی سِه 2:13

و همینِ جِم گَب زَمبی، اونِم نا کلماتی هِمراه که آدِمیِ حِکمتِ جِم یاد بَییته بوئیم، بلکه اون کَلِماتی هِمراه که خِدائه روح اِما ره یاد دِنه؛ اینِ وِسه روحانی حَییقت ها ره اونایی وِسه که خِدائه روحِ شه دِله دارنِنه ره گامبی.

اِفِسُسیان 3:5

اون رازی که قدیمِ نسلهائه دِله، آدِمونِ ریکائونِ وِسه دیار نَییه بییه، اون طی که اَلان روحِ القدُسِ طریق، وه مِقدَّسِ رَسولون و پِیغَمبِرونِ وِسه دیار بَییه.

یعقوبِ نامه 1:5

اگه کِسی شِمه میون حِکمِت نِدارنه، اونِ خِدائه جِم بِخوائه، هَمون خِدایی که بدون سَراکو و دَس دِلوازیِ هِمراه همه ره بَخشِنه، و وه ره دنه.

اول پِطرُس 1:12

وِشونِ وِسه دیار بَییه که نا شه ره بلکه شِما ره خِدمِت کاردِنه، اون مووقه که اون چیائه خَوِری گَب زونه که اَلان اونِ انجیلِ پِیغوم رِسونونِ جِم اِشنُنِنی، وِشونی جِم که روح القدُسِ طریق که آسمونِ جِم بَفرِسیه بَییه، اون خَوِرِ خِشِ شِما ره دِنِنه. حَتَّی فرشته ها هم آرزو دارنِنه این چیا ره بَوینِن.