مَرقُس 12:41 - کتاب مقدس به زبان مازندرانی - گویش شرقی

⁴¹ عیسی جایی که مَعبِدِ صَندِق اونجه دَییهِ روب رو نیشته بییه و دَییه مَردِمی که صَندِق دِله، پول دِم دانه ره اِشائه. خَله از پولدارون گَت گَتِ پول دِم دانه.

گیله ماز

⁴¹ عیسی معبد بیت المالِ صِندوخ جلو نیشته با و مردمی که صندوخِ دِلِه پول تووادِنِه بان رِه دینه با. خیلی از پولداران گَتِه پول تووادِنِه بان.

کتاب مقدس به زبان مازندرانی - گویش غربی

⁴¹ عیسی جایی گه معبدی صِنِخ اوجِه دَوِه ای روبِرو نیشت وِه و دِ مَردِنی گه صِنِخی دِلِه پول دیم داوِنِه رِه اِشیوِه. خِیلی از پولدارِن گَت گَتِه پول دیم داوِنِه.

مَرقُس 12:41 Iomraidhean Croise

اِنجیلِ مَتّی 27:6

گَت گَتِ کاهِنون نِقره سِکّه ها ره زِمینِ سَر جَمع هاکاردِنه و بااوتِنه: جایز نییه مَعبِدِ خَزونهِ دِله این سکّه ها ره دَشِنیم، چوون که خونبِها هَسه.»

مَرقُس 12:42

بعد یِتا فَقیرِ بیوه‌زِنا بییَمو و صَندِقِ دِله دِ قِرون دِم هِدا.

اِنجیلِ یوحنا 8:20

عیسی این گَبِ وَختی بَزو، که مَعبِدِ خَزانهِ دِله تَعلیم دائه، ولی هیچ کس وه ره دسگیر نَکارده، چوون وه وَخت هَمتی نَرِسی بییه.