مَرقُس 12:37 - کتاب مقدس به زبان مازندرانی - گویش شرقی

³⁷ اگه شه، داوودِ پادشاه، وه ره خِداوند خونده، پَس چی طی مَسیحِ موعود تونده داوودِ ریکا بوئه؟» اون جَمیِّتی که اونجه دَییه، خِشالیِ هِمراه عیسیِ گَب ها ره گوش دانه.

گیله ماز

³⁷ اَگه خودِ داوودِ پادشاه اونه خداوند دُخواندِنِه، پس چِطور مسیحِ موعود تانهِ داوود ریکا هَبو؟» اون ازدِحام که اوجِه دَبان خُشحالی یه هَمرَه عیسی یِه گَبان رِه گوش دَنهِ بان.

کتاب مقدس به زبان مازندرانی - گویش غربی

³⁷ اگه شِه داوودِ پادشاه وِرِه خِداوَند خُونِّه، پس چِتی مسیحِ موعود بَتِّنِه داوودی ریکا ووئِه؟» هون ازدِحامی گه اوجِه دَوِنِه خِشالی ای هَمرا عیسایی گَبارِه گوش داوِنِه.

مَرقُس 12:37 Iomraidhean Croise

اِنجیلِ مَتّی 1:23

« یِتا اَذِبِ کیجا حامله بونه، یِتا ریکا دِنیا یارنه که وه ره عمانوئیل گانِنه» که وه معنی، خِدا اَمه هِمراه، هَسه.

اِنجیلِ مَتّی 11:25

بعد عیسی شه گَبِ اِدامِه هِدا، بااوته: «اِی پییِر، اِی آسِمون و زِمینِ خِداوند، تِ ره شُکر گامبه كه این چیا ره عاقِلون و حَکیمونِ جِم قایم هاکاردی و کِچیکِ وَچونِ وِسه دیار بِساتی.

اِنجیلِ مَتّی 11:5

کورون ویندِنه، شَلون راه کَفِنِنه، جِذامیون شِفا گِرنِنه، غولا اِشنُنِنه، مِرده ها زنده بونِنه و فَقیرونِ خَوِرِ خِش هِدا بونه.

اِنجیلِ مَتّی 21:45

وَختی گَت گَتِ کاهِنون و عُلِمائه فِرقه فَریسی عیسیِ مَثِلِ بِشنُسِنِه بِفَهمِسِنه که عیسی وِشونِ خَوِری گَب زَنده.

اِنجیلِ مَتّی 21:46

پَس وِشون یِتا راهِ دِمبال گِردِسِنه تا عیسی ره دَسگیر هاکانِن، ولی مَردِمِ جِم تَرسینه چوون که مَردِم عیسی ره پِیغمبِر دونِسِنه.

لوقا 19:48

ولی شه کارِ وِسه هیچ راهی نَتونِسِنه پی دا هاکانِن، چوون تِمومِ مَردِم وه گَب بَزوئِنِ عاشق بینه.

لوقا 21:38

صِواحی دَم مَردِم وه گَبِ بِشنُسِنِ وِسه مَعبِدِ دِله جَمع بونِسِنه.

اِنجیلِ یوحنا 12:9

یَته خَله جَمیِّت از یَهودیون، وَختی بِشنُسِنه عیسی اونجه دَره، بییَمونه تا نا فِقَط عیسی، بلکه ایلعازَرِ که زنده هاکارده بییه ره هم بَوینِن.

رومی ایشون 9:5

و اجداد هم وِشونِ جِم هَسِنه و مَسیح هم جسماً وِشونِ نَسلِ جِم هسه، خدایی که همهِ جِم بالاترِ وه ره تا اَبد شِکر بوئه. آمین.

اول تیموتائوس 3:16

راس راسی که دینداریِ راز خَله گَتِ: وه که جِسمِ دِله ظاهر بَییه، خِدائه روحِ طَریقِ جِم تایید بَییه، فرشته ها وه ره بَدینه، قومهائه میون اِعلام بَییه، دِنیائه دِله وه ره ایمون بیاردِنه، جِلالِ هِمراه، بالا، بَوِرده بَییه.

یعقوبِ نامه 2:5

عزیزِ بِرارون، گوش هادین! مگه خِدا این دِنیائه فقیرونِ انتخاب نَکارده تا ایمونِ دِله دولتمند بوئِن و پادشاهی‌ای ره اِرث بَوِرِن که وه شه دوسدارونِ وَعده هِدا؟

یوحنایِ مکاشفه 22:16

«مِن، عیسی، شه فرشته ره شِمه پَلی بَفرِسیمه تا این چیا ره کلیساهائه وِسه شِهادت هاده. مِن داوودِ ریشه و صِواحیِ ستارِمه که تابِنه.»