مَرقُس 12:26 - کتاب مقدس به زبان مازندرانی - گویش شرقی

²⁶ ولی مِرده هائه زِنده بَیِّنِ خَوِری، مگه موسیِ کتابِ دِله، بوتهِ جَریانِ سَر نَخوندِسِنی، خِدا چه طی وه ره بااوته: ”مِن ابراهیمِ خِدا و اِسحاقِ خِدا و یَعقوبِ خِدا هَسِمه“

گیله ماز

²⁶ وَلی مُردِگانِ زندهِ هَبوسَّن بارِه مَگِه موسیِ کِتابِ دِلِه لَمبَسِ جَریانِ سَر نُخوانِسّید، خُدا چِطور اونه باگوته ”مَن ابراهیمِ خدا و اسحاقِ خدا و یعقوبِ خُدا هیسَم“؟

کتاب مقدس به زبان مازندرانی - گویش غربی

²⁶ ولی مِردِگونی زینِّه بَووئَنی خَوَری، مَگِه موسایی کیتابی دِلِه گِلِه ای جَریانی سَر نَخونِسِنی، خِدا چِتی وِرِه بُتِه: ”مِن ابراهیمی خِدا و اسحاقی خِدا و یعقوبی خِدا هَسمِه“

مَرقُس 12:26 Iomraidhean Croise

مَرقُس 12:10

مَگه مِقدَّسِ بَنوِشته هائه دِله نَخوندِسِنی که: «‌”اون سنگی که بَنّاها دِم هِدانه، بنائه اصلی ترین سَنگ بَییه؛

مَرقُس 12:25

چوون وَختی مِرده ها زِنده بَووِن، نا زَن وَرنِنه و نا شی کاندِنه؛ بلکه آسِمونِ فرشته هائه واری بونِنه.

لوقا 20:37

ولی این جریان که مِرده ها زنده بونِنه ره حَتَّی موسی هم تَش بَئیته بوتهِ دِله گانه، اونجه که موسی، خِداوندِ، ابراهیمِ خِدا و اِسحاقِ خِدا و یَعقوبِ خِدا گانه.

اِنجیلِ یوحنا 20:17

عیسی وه ره بااوته: «مِ کَش نَخُر، چوون هَمتی پییِرِ پَلی بالا نَشیمه. ولی مِ بِرارونِ پَلی بور و وِشونِ بار که مِن شه پییِر و شِمه پییِر و شه خِدا و شِمه خِدائه پَلی شومبه.»

رومی ایشون 11:2

خِدا شه قومِ که قبلتر سیوا هاکارده بییه ره رَد نَکارده. مگه نَدوندِنی مِقدَّسِ نوشته ها اِیلیائه پِیغَمبِرِ خَوِری چی گانه؟ که وه چی طی اِسرائیلِ قومِ علیه، خِدائه پَلی شِکایت هاکارده و بااوته: