مَرقُس 11:22 - کتاب مقدس به زبان مازندرانی - گویش شرقی

²² عیسی بااوته: «خِدا ره ایمون دارین.

گیله ماز

²² عیسی باَگوته: «خُدا رِه ایمان بِدارین.

کتاب مقدس به زبان مازندرانی - گویش غربی

²² عیسی بُتِه: «خِدارِه ایمون دارین.

مَرقُس 11:22 Iomraidhean Croise

اِنجیلِ مَتّی 14:29

عیسی بااوته: «بِرو.» اون وَخت ‌پِطرس لَتکا جِم جِر بییَمو و اوهِ سَر عیسیِ سَمت راه دَکِته.

اِنجیلِ مَتّی 17:20

عیسی بااوته: «چوون شِمه ایمون کَمِه! حَییقَتِن شِما ره گامبه، اَگه یِتا خَردِلِ تیمِ اِندا ایمون دارین، توندِنی این كوه ره بارین که از اینجه به اونجه جابِجا بَووه و جابِجا بونه و هیچ کاری شِمه وِسه مَحال نییه. [

اِنجیلِ مَتّی 21:21

عیسی وِشونِ بااوته :«حَییقَتِن شِما ره گامبه اَگه ایمون دارین و شَک نَکِنین، نا فِقَط این کار، بلکه این کارِ جِم گَت تِرم توندِنی هاکانین. حَتّی توندِنی این کوهِ دَستور هادین شه جائه سَر بَکِندی بَووه و دریائه دِله دَکِفه و این طی بونه.

مَرقُس 9:23

عیسی بااوته: «اگه توندی؟ اونی وِسه که ایمون دارنه همه چی ممکنه.»

اِنجیلِ یوحنا 14:1

«شِمه دِل پریشون نَبوئه. خِدا ره ایمون دارین؛ مِ ره هم ایمون دارین.

کولُسیان 2:12

وه هِمراه غسلِ تعمیدِ دِله، دَفن بَینی، و ایمونِ طریق که خِدائه قِوَّتِ هِمراه عمل کانده که مَسیحِ مِرده هائه جِم زنده هاکارده، وه هِمراه زنده بَینی.

تیتوس 1:1

پولُسِ طَرِف جِم، خِدائه نوکِر و عیسی مَسیحِ رسول، که تعیین بَیمه تا خِدائه انتخاب بَییه هائه ایمونِ تقویِت هاکانِم و اون حَییقتی که طبقِ دینداری هَسه ره بارِم.