مَرقُس 10:45 - کتاب مقدس به زبان مازندرانی - گویش شرقی

⁴⁵ چوون حَتَّی اِنسانِ ریکا نییَمو تا وه ره خِدمت هاکانِن، بلکه بییَمو تا خِدمِتِ هاکانه و شه جانِ خَیلیائه آزادیِ وِسه فِدا هاکانه.»

گیله ماز

⁴⁵ چون حتّی انسانِ ریکا نومَه تا اونه خِدمَت هَکُنَن، بلکه بوما تا خِدمَت هَکونه و خودشه جان خِیلیانِ آزادی یه وَسین فَدا هَکونه.»

کتاب مقدس به زبان مازندرانی - گویش غربی

⁴⁵ چون حتّی اِنسونی ریکا نیمو تا وِرِه خِدمَت هاکِنِن، بَلگی بیمو تا خِدمَت هاکِنِه و شی جانِ خِیلیایی آزادی ای سِه فِدا هاکِنِه.»

مَرقُس 10:45 Iomraidhean Croise

اِنجیلِ مَتّی 20:28

حَتّی اِنسانِ ریکا هَم نییَمو تا وه ره خِدمِت هاکانِن، بلکه بییَمو خِدمِت هاکانه و شه جانِ، خَیلیائه نِجاتِ وِسه فِدا هاکانِه.

مَرقُس 10:44

و هر کی خوانه شِمه میون اَوِّل بوئه، وِنه همهِ غِلام بوئه.

اِنجیلِ یوحنا 10:15

همون‌طی که پییِر مِ ره اِشناسِنه و مِنِم پییِرِ اِشناسِمبه. مِن شه جانِ گُسفِنائه وِسه اییِلمه.

اِنجیلِ یوحنا 13:14

پَس اگه مِن که شِمه آقا و اِسّامه شِمه لینگِ بَشُسِمه، شِما هم وِنه هَمدییهِ لینگِ بَشورین.

دوّمین نامه قرنتیانِ وَسین 5:21

خِدا کسیِ که گِناه ره نِشناسی بییه ره اَمه وِسه گِناه هاکارده، تا اِما وه دِله، خِدائه صالحی ره بَوینیم.

دوّمین نامه قرنتیانِ وَسین 8:9

چوون اَمه خِداوند عیسی مَسیحِ فیضِ جِم باخَوِرِنی که هر چَن دولتمند بییه، شِمه خاطِری فقیر بَییه تا شِما وه فقرِ دِله دولتمند بَووین.

غَلاطیان 3:13

اَمه عَوِض، مَسیح لَعنِت بَییه و این‌طی اِما ره شَریعتِ لعنتِ بِن آزاد هاکارده، چوون توراتِ دِله بَنوِشت بَییه که: «هر‌ کی دار بَزو بَووه، مَلعونِ.»

تیتوس 2:14

که شه جانِ اَمه وِسه هِدا تا اِما ره هر شِرارتِ جِم آزاد هاکانه و پاکِ مَردِمی شه وِسه دِرِس هاکانه که فِقَط شه وه وِسه بوئِن که خوارِ کارِ وِسه غیرت دارنِنه.

نامِه مَسیحینی عبرانی نِژادی سِه 5:8

هر چَن که ریکا بییه، اون عِذاب هائه خاطِری که بَکِشیه، اطاعتِ یاد بَییته.

اول پِطرُس 1:19

بلکه مَسیحِ با ارزشِ خونِ هِمراه بَخری بَییه اون بی‌نقص و بی عیبِ وَرهِ هِمراه،