مَرقُس 10:44 - کتاب مقدس به زبان مازندرانی - گویش شرقی

⁴⁴ و هر کی خوانه شِمه میون اَوِّل بوئه، وِنه همهِ غِلام بوئه.

گیله ماز

⁴⁴ وَ هر کی خَنِه شِیمی میَن اوَّل هَبو، بایسّی هَمِه یه پاکار هَبو.

کتاب مقدس به زبان مازندرانی - گویش غربی

⁴⁴ و هر کی خواینِه شِمِه میِن اوَّل ووئِه، وِنِه هَمه ای غِلام ووئِه.

مَرقُس 10:44 Iomraidhean Croise

اِنجیلِ مَتّی 5:40

اَگه کِسی خوانه تِ ره مَحکمه بَکِشونه تِ جِمِه ره تِ جِم بَیره، شه قَوا ره هم وه ره هاده.

مَرقُس 10:43

ولی شِمه میون این طی نَبوئه. هر کی خوانه شِمه میون گَت بوئه، وِنه شِمه نوکِر بوئه.

مَرقُس 10:45

چوون حَتَّی اِنسانِ ریکا نییَمو تا وه ره خِدمت هاکانِن، بلکه بییَمو تا خِدمِتِ هاکانه و شه جانِ خَیلیائه آزادیِ وِسه فِدا هاکانه.»

مَرقُس 9:35

عیسی هِنیشته و اون دِوازَه شاگردِ شه پَلی صدا هاکارده و بااوته: «هر‌ کی خوانه اَوِّلین بوئه، وِنه آخِرین بوئه و همهِ نوکِر بوئه.»

فیلیپیان 2:7

بلکه شه ره خالی هاکارده و شه نوکرِ شکلِ بَییته، آدِمون واری بَییه.