مَرقُس 10:32 - کتاب مقدس به زبان مازندرانی - گویش شرقی

³² وِشون اورشَلیمِ راه دِله دَینه و عیسی وِشونِ جِم جلوتر راه شیه. شاگِردون تَعجِّب هاکاردِنه و کِسایی که وِشونِ دِمبالِ سَر شینه، بَتِرسی بینه. اَت کَش دییه عیسی اون دِوازده شاگردِ یِتا گوشه بَوِرده و اونچی که خواسه وه سَر بِیّه ره، وِشونِ وِسه بااوته.

گیله ماز

³² اوشان اورشلیمِ راهِ دِلِه دَبان و عیسی اوشانه جی پیشتَر راه شونه با. شاگِردان تَعَجُب هَکُردَن و کسایی که اوشانه دُمّال سَر شونه بان، بَتِرسیه بان. یِدَفِه دیگه عیسی اون دَوازدَه شاگِردِ ایتا گوشِه بَبِرده و اونچه که خَسِّه اونه سَر بیه رِه، اوشانه وَسین باَگوته.

کتاب مقدس به زبان مازندرانی - گویش غربی

³² وِشون اورشلیمی راهی دِلِه دَوِنِه و عیسی وِشونی جا پِشتَر راه شیِه. شاگِردِن تَجِّب هاکِردِنِه و کسایی گه وِشونی دِمال سَر شیوِنِه، بَتِرسی وِنِه. یَکَش دییَر عیسی هون دِوازِه شاگِردِ یَتِه گوشِه بَوِردِه و اونچی گه خوایسِه وی سَر بیِه رِه، وِشونی سِه بُتِه.

مَرقُس 10:32 Iomraidhean Croise

اِنجیلِ مَتّی 11:25

بعد عیسی شه گَبِ اِدامِه هِدا، بااوته: «اِی پییِر، اِی آسِمون و زِمینِ خِداوند، تِ ره شُکر گامبه كه این چیا ره عاقِلون و حَکیمونِ جِم قایم هاکاردی و کِچیکِ وَچونِ وِسه دیار بِساتی.

اِنجیلِ مَتّی 13:11

عیسی جِواب هِدا: « آسِمونِ پادشاهیِ رازِ بِفَهمِسِن، شِما ره هِدا بَییه، ولی وِشونِ هِدا نَییه .

مَرقُس 1:27

تِمومِ مَردِم جوری تَعجِّب هاکارده بینه که هَمدییه جِم پِرسینه: «این دییه چیه؟ یِتا جدیدِ تَعلیم، قِدرت و اِختیارِ هِمراه! وه حَتّی پلیدِ اِرواحِ هَم دَستور دِنه و اونا وه جِم اِطاعت کاندِنه»

مَرقُس 4:34

وه به جِز مَثِلِ هِمراه، جورِ دییه ای وِشونِ هِمراه گَب نَزو؛ ولی وَختی شه شاگِردون هِمراه خَلوِتِ جا دَییه، همه چی ره وِشونِ وِسه تُوضیح دائه.

لوقا 10:23

بعد تیناریِ دِله، شه شاگِردونِ هارِشیه و بااوته: «خِش به حال شِما که این چیا ره ویندِنی.

لوقا 19:28

بعد از این گَبا، عیسی مَردِمِ جِم قبلتر، اورشَلیمِ سَمت راه دَکِته.

لوقا 9:51

وَختی اون روزا بَرِسیه که قِرار بییه عیسی آسِمون بَردَگِرده، وه مِصَمَم بَییه که اورشَلیم بُوره.

اِنجیلِ یوحنا 11:16

پَس توما، که وه ره دِ قِلو گاتِنه، دییه شاگِردونِ بااوته: «بِئین اِما هم بُوریم تا وه هِمراه بَمیریم.»

اِنجیلِ یوحنا 11:8

شاگِردون وه ره بااوتِنه: «اِسّا، خَله وَخت نَگذِرنه که یَهودیون خواسِنه تِ ره سَنگسار هاکانِن، تِ اَی دِواره اونجه خوانی بُوری؟»