مَرقُس 10:23 - کتاب مقدس به زبان مازندرانی - گویش شرقی

²³ عیسی، دُورِ وَرِ هارِشیه، شه شاگِردونِ بااوته: «چَنده سختِ پولدارون خِدائه پادشاهیِ دِله بورِن!»

گیله ماز

²³ عیسی دور و وَرِ بِیشییِه، خودشه شاگِردانِ باَگوته: «چقدر سَختِ پولداران خدایِ پادشاهی یه دِلِه بوشون!»

کتاب مقدس به زبان مازندرانی - گویش غربی

²³ عیسی دُور و وَرِ هارشیِه، شی شاگِردِنِ بُتِه: «چَنی سَختِ پولدارِن خدایی پادشاهی ای دِلِه بورِن!»

مَرقُس 10:23 Iomraidhean Croise

اِنجیلِ مَتّی 18:3

و بااوته: حَییقَتاً شِما ره گامبه، «تا عَوِض نَووین و کِچیکِ وَچِهِ واری نَووین، نَتوندِنی هیچ وَخت آسِمونِ پادشاهیِ دِله بُورین.

مَرقُس 10:15

حَییقَتاً، شِما ره گامبه، هر کی خِدائه پادشاهی ره وچهِ واری قبول نَکِنه، هیچ وَخت اونِ دِله نَشونه.»

مَرقُس 10:22

اون مَردی این گَبِ جِم دلسرد بَییه و غصّهِ هِمراه اونجهِ جِم بُورده، چوون خَله پول دار بییه.

مَرقُس 3:5

عیسی اونایی که وه دورِ وَر دَیینه ره عَصِبانیتِ هِمراه هارِشیه و وِشونِ سنگدِلیِ جِم نارِحَت بَییه. بعد اون مَردی ره بااوته: «شه دسِ دراز هاکان.» وه شه دسِ دراز هاکارده و وه دَس خوار بَییه.

مَرقُس 5:32

ولی عیسی شه دُورِ وَرِ اِشائه تا بَوینه کی این کارِ هاکارده.

لوقا 18:24

عیسی وَختی بَدیئه اون مَردی ره غُصّه بَییته، بااوته: «پولدارون بُوردِن، خِدائه پادشاهیِ دِله چَنده سختِ!

اِنجیلِ یوحنا 3:5

عیسی جِواب هِدا: «حَییقَتاً، تِ ره گامبه تا یه نَفِر اوه و روحِ جِم دِنیا نَییه، نَتونده خِدائه پادشاهیِ دِله بُوره.

اوّلین نامِه قُرنتیانی سِه 1:26

ای بِرارون، شه وَضعِ شه یاد بیارین: اون مووقه که خِدا شِما ره دَعوِت هاکارده. ویشتِر شِما دِنیائه ارزش هائه هِمراه، حَکیم بِشمارِسه نَوونِسِنی؛ و ویشتِر شِما قِددارون یا نجیب‌زاده هائه جِم نَبینی.

یعقوبِ نامه 2:5

عزیزِ بِرارون، گوش هادین! مگه خِدا این دِنیائه فقیرونِ انتخاب نَکارده تا ایمونِ دِله دولتمند بوئِن و پادشاهی‌ای ره اِرث بَوِرِن که وه شه دوسدارونِ وَعده هِدا؟

یعقوبِ نامه 4:4

ای زِناکارون، مگه نَدوندِنی دِنیائه هِمراه دوسی هاکاردِن، خِدائه هِمرا دِشمِنی هاکاردِنِ؟ پَس هر کی اینِ دِمبال دَره که دِنیائه هِمراه دوسی هاکانه، شه ره خِدائه دِشمِن کانده.

پطرسی دِوّمین نامِه 1:11

و این طی، شِما ره کاملاً اِجازه دِنِنه که خِداوند و اَمه نجات‌دهنده عیسی مَسیحِ اَبدی پادشاهیِ دِله بورین.