مَرقُس 10:22 - کتاب مقدس به زبان مازندرانی - گویش شرقی

²² اون مَردی این گَبِ جِم دلسرد بَییه و غصّهِ هِمراه اونجهِ جِم بُورده، چوون خَله پول دار بییه.

گیله ماز

²² اون مَردَای این گَبِ جی دِلسَرد هَبا و غُصِّه یه هَمرَه اوجِه یه جی بَشَه، چون خِیلی پولدار با.

کتاب مقدس به زبان مازندرانی - گویش غربی

²² هون مَردی هَین گَبی جا دِلسَرد بَوِه و غِرصِه ای هَمرا اوجِه ای جا بوردِه، چون خِیلی پولدار وِه.

مَرقُس 10:22 Iomraidhean Croise

اِنجیلِ مَتّی 13:22

تیمی که لَم تَلیِ دِله دَکاشته بَییه، کسیِ که کِلامِ اِشنُنه، ولی چوون وه دِل دِنیا ره دَوِسه و وه چِش مال و مِنالِ دِمبال دَره، اینا کِلامِ خَفِه کاندِنه و بار نیارنه.

اِنجیلِ مَتّی 19:22

وَختی اون مَردی اینِ بِشنُسِه، وه ره غُصِّه بَییته و اونجه جِم بورده، چوون خَله پولدار بییه.

اِنجیلِ مَتّی 27:3

یَهودا اون کِسی که عیسی ره دِشمِنِ تَسلیم هاکارده، وَختی بَدیئه عیسی مَرگِ مَحکوم بَییه، شه کارِ جِم پَشیمون بَییه و سی نِقره سِکّه که بَییته بییه ره گَت گَتِ کاهِنون و قوم مَشایخِ پَلی بَوِرده تا وِشونِ پَس هاده، وِشونِ بااوته:

مَرقُس 10:21

عیسی مِحَبّتِ هِمراه وه ره هارِشیه و بااوته: «تِ یه چی کَم دارنی؛ بور هر چی دارنی ره بَروش و وه پولِ فقیرونِ هاده که آسمونِ دِله گنج دارنی. بعد بِرو و مِ ره پیروی هاکان.»

مَرقُس 10:23

عیسی، دُورِ وَرِ هارِشیه، شه شاگِردونِ بااوته: «چَنده سختِ پولدارون خِدائه پادشاهیِ دِله بورِن!»

مَرقُس 6:20

چوون هیرودیس یحییِ جِم تَرسیه، چوون که دونِسه یحیی صالح و مِقدَّسِ مَردیه، اینِ وِسه بییه که وه جِم محافظت کارده. هر وَخت یحییِ گَبِ اِشنُسه، خَله پریشون بونِسه. ولی هَمتی هم خِشالیِ هِمراه وه گَب ها ره گوش دائه.

مَرقُس 6:26

پادشاه خَله نارِحَت بَییه، ولی شه قَسِمِ خاطِری و شه مهمونونِ حِرمتِ وِسه نِخواسه کیجائه خواسه ره رَد هاکانه.

لوقا 12:15

عیسی مَردِمِ بااوته: «هوشیار بوئین و حرص و طِمَع جِم دُوری هاکانین، چوون آدِمیِ زندگی به این رَبط نِدارنه که وه دارایی چَنده زیاده.»

لوقا 18:23

اون مَردی وَختی اینِ بِشنُسه، وه ره غُصّه بَییته، چوون خَله پولدار بییه.

دوّمین نامه قرنتیانِ وَسین 7:10

چوون غُصّه ای که خِدائه وِسه بوئه، تووبهِ باعث بونه، که نِجاتِ خَتم بونه و پشیمونی نِدارنه. ولی غُصّه ای که دِنیائه وِسه هَسه، مَرگِ خَتم بونه.

اِفِسُسیان 5:5

چوون مطمئِن بوئین که هیچ بی حیا یا ناپاک یا طِمَعکارِ آدِم، که هَمون بِت‌پرس بوئه، خِدا و مَسیحِ پادشاهیِ دِله سَهمی نِدارنه.

دوم تیموتائوس 4:10

چوون دیماس این دِنیائه دوس داشتنِ خاطِری مِ ره وِل هاکارده و تِسالونیکیِ شَهر بورده. کْریسکیس غَلاطیهِ مَنطقه بورده و تیتوس هم دَره دَلماتیهِ مَنطقه شونه.