مَرقُس 1:21 - کتاب مقدس به زبان مازندرانی - گویش شرقی

²¹ وِشون کَفَرناحومِ شَهر بُوردِنه. وَختی مِقدَّسِ شنبه بَرِسیه، عیسی دَرجا یَهودیونِ عِبادَتگاهِ دِله بُورده و دَییه تَعلیم دائه.

گیله ماز

²¹ اوشان به کَفَرناحومِ شهربَشَن. وَختی مُقَدَّس شَنبِه بَرِسییَه، عیسی دَرجا یَهودیِانِ عِبادتگاه دِلِه بَشَه و تعلیم هَدَئنِ شروع هَکورده.

کتاب مقدس به زبان مازندرانی - گویش غربی

²¹ وِشون کَفَرناحومی شهری سِه بوردِنِه. وختی مِقَدّسِ شَنبِه بَرِسیِه، عیسی دَرجا یَهودیِنی عِبادتگاهی دِلِه بوردِه و دِ تعلیم داوِه.

مَرقُس 1:21 Iomraidhean Croise

اِنجیلِ مَتّی 4:13

و ناصِرهِ شَهرِ دِله نَموندِسه، بلکه كَفَرناحوم بورده و اونجه زِندِگی هاکارده. کَفَرناحوم، جَلیلِ دریائه پَلی و زِبولون و نَفتالیِ مَنطقهِ دِله بییه.

اِنجیلِ مَتّی 4:23

عیسی تِمومِ جَلیلِ دِله گِردِسه، یَهودیونِ عبادتگاه دِله تَعلیم دائه، خِدائه پادشاهی ره اِعلام کارده و مَردِمِ مَرِض و ناخِشی ره شِفا دائه.

مَرقُس 1:20

عیسی دَرجا وِشونِ صدا هاکارده. وِشون هم شه پییِر زِبِدی ره کارگرونِ هِمراه لتکائه دِله سَر بییِشتِنه و وه دِمبال راه دَکِتِنه.

مَرقُس 1:29

عیسی تا یَهودیونِ عِبادَتگاهِ جِم بیرون بییَمو، یَعقوب و یوحنائه هِمراه، شَمعون و آندریاسِ سِره بُورده.

مَرقُس 1:33

شَهرِ تِمومِ مَردِم، همه اون سِرهِ دَرِ روب رو جَمع بَییه بینه!

مَرقُس 1:39

پَس عیسی راه دَکِته، تِمومِ جَلیلِ مَنطقهِ دِله بورده. وه وِشونِ عبادتگاه هائه دِله تَعلیم دائه و دِوها ره بیرون کارده.

مَرقُس 10:1

عیسی کفرناحومِ شَهرِ جِم بیرون بییَمو و یَهودیهِ مَنطقه و اُردُنِ رودخانهِ اون دَس بُورده. اَی هم جَمیِّت وه دور جَمع بَینه، وه طِبق شه عادت، وِشونِ تَعلیم دائه.

مَرقُس 2:1

بعد از چَن روز، وَختی عیسی کَفَرناحومِ شَهر بَردَگِردِسه، مَردِم خَوِردار بَینه که عیسی سِره دَره.

مَرقُس 3:1

عیسی اَت کَش دییه یَهودیونِ عِبادَتگاهِ دِله بُورده. اونجه یِتا مَردی دَییه که وه یِتا دَس خِشک بَییه بییه.

مَرقُس 6:2

عیسی یَهودیونِ مِقدَّسِ شنبه، عِبادَتگاهِ دِله بورده و اونجه تَعلیم دائه. خَیلیا وَختی وه گَبِ اِشنُسِنه بِهت کاردِنه و گاتِنه: «این مَردی اینا ره کجه جِم به دَس بیارده؟ این چه حِکمتیِ که وه ره هِدا بَییه؟ این چه معجزاتیِ که وه اِنجام دِنه؟

لوقا 10:15

و تِ ای کَفَرناحومِ شَهر، خیال کاندی تا آسِمون سَر کَشِنی؟ نا، بلکه جَهَنِمِ دِله سرنگون بونی.

لوقا 13:10

یِتا مِقدَّسِ شنبه روز، عیسی یِتا از یَهودیونِ عِبادَتگاه هائه دِله تَعلیم دائه.

لوقا 4:16

وَختی عیسی ناصره، اون شهری که وه دِله گَت بَییه بییه بَرِسیه، طبقِ شه عادِت مِقدَّسِ شنبه روز، عِبادَتگاهِ دِله بُورده و بِلِند بَییه تا خِدائه کِلامِ بَخونه.

لوقا 4:23

عیسی وِشونِ بااوته: «بی شَک این مَثِلِ مِ وِسه یارنِنی، ”اِی طَبیب شه ره شِفا هاده! اونچی که بِشنُسیمی کَفَرناحومِ دِله هاکاردی، اینجه شه زادگاهِ دِله هم هاکان»

اعمال رَسولان 17:2

پولُس طبقِ شه عادت عبادتگاه بُورده، وه سه تا مِقدَّسِ شنبه، وِشونِ هِمراه مِقَدَّسِ نوِشته هائه جِم، بحث کارده

اعمال رَسولان 18:4

پولُس هر مِقدَّسِ شَنبه، عِبادَتگاهِ دِله یَهودیون و یونانیونِ هِمراه بَحث کارده و تَقِلّا کارده وِشونِ قانع هاکانه.