اِنجیلِ مَتّی 9:8 - کتاب مقدس به زبان مازندرانی - گویش شرقی

⁸ مَردِم وَختی این مُعجِزه ره بَدینه بَتِرسینه و خِدا ره شِکر هاکاردِنه که این طی قِدرَتی آدِمونِ هِدا.

گیله ماز

⁸ مَردُم وَختی این مُعجِزِه رِه بَدییَن، بَتِرسیَن و خُدا رِه شُکر هَکُردَن که اینجور قُدرتی آدَم رِه هَدَه.

کتاب مقدس به زبان مازندرانی - گویش غربی

⁸ مَردِن وختی هَین مُعجِزِه رِه بَئینِه، بَترِسینِه و خِدارِه شِکر هاکِردِنِه گه هَینجور قِدرتی آدَمِنِ هادا.

اِنجیلِ مَتّی 9:8 Iomraidhean Croise

اِنجیلِ مَتّی 12:23

مَردِم بِهت هاکاردِنه بااوتِنه: «بونه این مَردی هَمون مَسیحِ موعود بوئه که قِرارِ داوودِ پادشاهِ نَسلِ جِم بِیّه؟»

اِنجیلِ مَتّی 15:31

مَردِم وَختی بَدینه، لالا گَب زَندِنه، چِلِخون خوار بَینه، شَلون راه شونِنه، کورون ویندِنه، بِهت هاکاردِنه و اِسرائیلِ خِدا ره حَمد بااوتِنه.

اِنجیلِ مَتّی 28:18

اون وَخت عیسی جلو بییَمو و وِشونِ بااوته: «تِمومِ قِوَّت آسِمونِ دِله و زِمین سَر مِ ره هِدا بَییه.

اِنجیلِ مَتّی 5:16

همین طی بییِلین شِمه نور مَردِمِ پیش بَتابه تا شِمه خوارِ کارا ره بَوینِن و شِمه پییِرِ که آسِمونِ دِله دَره ره پَرَسِش هاکانِن.

اِنجیلِ مَتّی 9:7

اون مَردی بِلِند بَییه، شه سِره بُورده.

مَرقُس 2:12

اون چِلِخِ مَردی بِلِند بَییه و دَرجا شه لا ره جَمع هاکارده و هَمهِ چِشِ پلی، اونجه جِم بیرون بُورده، یه جور که همه تَعجِّب هاکاردِنه و خِدا ره شِکر کاردِنه، گاتِنه:«هیچ وَخت این طی چی ای نَدی بیمی.»

مَرقُس 7:37

مَردِم که خَله بِهت هاکارده بینه، گاتِنه: «هر کاری هاکارده، خوارِ؛ وه حَتَّی غولائه گوش و لالائه زِوونِ واز کانده»

لوقا 13:13

بعد عیسی شه دَسِ وه سَر بییِشته و اون زِنا دَرجا راس اِیست هاکارده و خِدا ره پَرسش هاکارده.

لوقا 17:15

یِتا از وِشون وَختی بَدیئه شِفا بَییته، هَمون طی که بِلِند بِلِند خِدا ره پرسِش کارده، بَردَگِردِسه

لوقا 17:18

به جِز این غریبه، کَس دییه بَرنَگِردِسه تا خِدا ره شکر هاکانه؟»

لوقا 18:43

اون کورِ مَردیِ چِش دَرجا بَدیئه و هَمون طی که خِدا ره شکر کارده، عیسیِ دِمبال بُورده. وَختی تِمومِ مَردِم اینِ بَدینه، خِدا ره شکر هاکاردِنه.

لوقا 2:20

چپونون بَردَگِردِسِنه و اونچی خاطِری بِشنُسه و بَدی بینه خِدا ره شکر گاتِنه و وه ره پَرسش کاردِنه، چوون هر چی وِشونِ بااوته بینه اِتِّفاق دَکِته بییه.

لوقا 23:47

سربازونِ فرمونده وَختی این اتِّفاقِ بَدیئه، خِدا ره شکر هاکارده و بااوته: «حقیقَتاً این مَردی بی‌گِناه بییه.»

لوقا 7:16

تِمومِ مَردِم بَتِرسینه و هَمون طی که خِدا ره شُکر کاردِنه، گاتِنه: «یِتا گَتِ پیغَمبِر اَمه میون ظِهور هاکارده. خِدا شه قومِ مِلاقات هاکارده.»

اِنجیلِ یوحنا 15:8

مِ پییِرِ جِلال این طی دیار بونه که شِما خَله میوه بیارین؛ و این طی ثابت کاندینی مِ شاگردِنی.

اعمال رَسولان 11:18

وَختی وِشون این گَب ها ره بِشنُسِنه، ساکت بَینه و خِدا ره جِلال هِدانه و بااوتِنه: «پَس خِدا غیر یَهودیونِ هم فِرصت هِدا تا وِشون هَم شه گِناهونِ جِم تووبه هاکانِن و اَبَدی زندگی ره به دَس بیارِن!»

اعمال رَسولان 21:20

وِشون وَختی بِشنُسِنه، خِدا ره حمد و ثناء بااوتِنه. بعد پولُسِ بااوتِنه: «ای بِرار، هَمون طی که ویندی هزارون یَهودی ایمون بیاردِنه و همه شَریعتِ وِسه غیرت دارنِنه.

اعمال رَسولان 4:21

شورائه آدِمون بعد از این که پِطرُس و یوحنا ره خَله تهدید هاکاردِنه، وِشونِ وِل هاکاردِنه چوون راهی پی دا نَکاردِنه تا وِشونِ مِجازات هاکانِن، چوون تِمومِ مَردِم اونچیِ وِسه که اتِّفاق دَکِته بییه، خِدا ره حمد و ثناء کاردِنه.

دوّمین نامه قرنتیانِ وَسین 9:13

این خِدمِتِ خاطِری، مَردِم، خِدا ره جِلال دِنِنه چوون که شِما نا فِقط اِعتراف کاندِنی مَسیحِ انجیلِ ایمون دارنِنی بلکه وِشون و بَقیه ره اونچی که دارنِنیِ دِله شَریک کاندِنی.

غَلاطیان 1:24

و وِشون مِ خاطِری خِدا ره جِلال دانه.

اول پِطرُس 2:12

بی‌ایمونونِ میون شِمه کِردار محترم بوئه تا اونایی که شِمه علیه گَب زَندِنه که شِمه اَعمال بَدِ، شِمه خوارِ کارِ هارِشینِ هِمراه، خِدا ره اون روزِ دِله که ویمبی، پَرَسِش هاکانِن.