اِنجیلِ مَتّی 9:4 - کتاب مقدس به زبان مازندرانی - گویش شرقی

⁴ عیسی که دونِسه وِشونِ دِلِ دِله چی گُذِرنه بااوته: «چه شه دِلِ دِله پَلیدِ فِکر دارنِنی؟

گیله ماز

⁴ عیسی که دانِسِّه اوشانه فِکرِ میَن چی گُذَرنِه باَگوته: «چرا اینجور پلید فکر شیمی دِلِ میَن راه دَنید؟

کتاب مقدس به زبان مازندرانی - گویش غربی

⁴ عیسی گه دِنِّسِه وِشونی دِلی دِلِه چی گِذِرنِه بُتِه: «چه شی دِلی دِلِه پَلیدِ فِکر دارِنی؟

اِنجیلِ مَتّی 9:4 Iomraidhean Croise

اِنجیلِ مَتّی 12:25

عیسی وِشونِ خیالِ جِم باخَوِر بَییه و وِشونِ بااوته: «هر مَملِکَتی که شه عَلیه رَسِد بَووه از بین شونه و هر شَهر یا سِره ای كه شه عَلیه رَسِد بَووه، دَووم نیارنه.

مَرقُس 12:15

ولی عیسی که وِشونِ دِرویی ره دونِسه، وِشونِ بااوته: «چه مِ ره آزمود کاندینی؟ یِتا یه دیناری سِکّه مِ وِسه بیارین تا اونِ هارِشِم.»

مَرقُس 2:8

هَمون مووقه عیسی شه روحِ دِله بِفَهمِسه که وِشون شه دِلِ دِله چی گانِنه، وِشونِ بااوته: «چه شه دلِ دِله این طی گانِنی؟

لوقا 11:17

عیسی وِشونِ فِکرِ بَخوندِسه و وِشونِ بااوته: «هر مملکتی که شه علیه دِ دَسه بَووه، نابود بونه و هر سِره ای که وه دِله دِ دَسِگی دَووه، پاشِنه.

لوقا 5:22

عیسی وِشونِ خیالِ بِفَهمِسه و بااوته: «چه شه دلِ دِله این طی خیال کاندینی؟

لوقا 6:8

ولی عیسی که وِشونِ خیالِ جِم باخَوِر بییه، اون مَردی ره که وه دَس خِشک بَییه بییه ره بااوته: «بِرو اینجه اِیست هاکان» وه هم بِلِند بَییه و اونجه اِیست هاکارده.

لوقا 7:40

عیسی وه ره بااوته: «ای شَمعون، خوامبه یه چی تِ ره بارِم.» بااوته: «بَفِرمی، اِسّا!»

اِنجیلِ یوحنا 16:19

عیسی دونِسه که خوانِنه وه جِم سِئال هاکانِن؛ پَس وِشونِ بااوته: « اینِ وِسه هَمدییهِ هِمراه بَحث کاندینی که بااوتِمه، ”اَت کم دییه، دییه مِ ره نَویندِنی، ولی اَت کم دییه، اَی دِواره مِ ره ویندِنی“؟

اِنجیلِ یوحنا 16:30

اِسا دییه دُومبی همه چیِ جِم خَوِر دارنی و نیاز نِدارنی کِسی تِ جِم سِئالی بَپِرسه. اینِ وِسه، باوِر دارمی که خِدائه طَرِفِ جِم بییَموئی.»

اِنجیلِ یوحنا 21:17

سِوّمین کَش عیسی وه ره بااوته: «ای شَمعون، یوحنائه ریکا، مِ ره دوس دارنی؟» پِطرُس از اینکه عیسی سه کَش وه جِم بَپِرسیه، «مِ ره دوس دارنی؟» نارِحَت بَییه و بااوته: «آقا، تِ همه چیِ جِم خَوِر داری؛ تِ که دوندی تِ ره دوس دارمه.» عیسی بااوته: «مِ گُسفِنا ره خِراک هاده.»

اِنجیلِ یوحنا 6:61

ولی عیسی که دونِسه وه شاگِردون این جَریانِ وِسه غرغر کاندنه، وِشونِ بااوته: « این جریان شِما ره نارِحت کانده؟

اِنجیلِ یوحنا 6:64

ولی شِمه جِم بعضیا دَرِنه که ایمون نیارنِنه.» چوون عیسی از اَوِّل دونِسه چه کِسایی ایمون نیارنِنه و اون کیِ که وه ره دِشمنِ تَسلیم کانده.

اعمال رَسولان 5:9

پِطرُس وه ره بااوته: «چه هَمدییهِ هِمراه هَمدَس بَینی تا خِداوندِ روحِ آزمود هاکانین؟ اونایی که تِ مَردی ره دَفن هاکاردِنه، اَلان دَرِ پَلی دَرِنه و تِ ره هم بیرون وَرنِنه.»

یوحنایِ مکاشفه 2:23

و وه وَچونِ هِلاک کامبه. اون مووقه تِمومِ کلیساها فَهمِنِنه که مِن اونی هَسِمه که دلها و فکرا ره جستجو کامبه و هر کِدوم از شِما ره طِبق شِمه کارا عَوض دِمبه.