اِنجیلِ مَتّی 9:35 - کتاب مقدس به زبان مازندرانی - گویش شرقی

³⁵ عیسی تِمومِ شَهر و روستاهائه دِله گِردِسه و یَهودیونِ عِبادَتگاهِ دِله تَعلیم دائه و خِدائه پادشاهیِ مِژده ره اِعلام کارده و هر جور ناخِشی و مَرِضِ شِفا دائه.

گیله ماز

³⁵ عیسی تمام شَهر و دِهاتِشانِه دِلِه گَردَنه با و یَهودیِانِ عبادتگاهانِ دِلِه تعلیم دَنه با و خُدایِ پادشاهی یه مُژدِه رِه اِعلام کانِبا و هر نوع ناخُشی و مَرَضِ شَفا دَنه با.

کتاب مقدس به زبان مازندرانی - گویش غربی

³⁵ عیسی دِشتِه شَهر و دِهیشونی دِلِه گِرِسِه و یَهودیِه ای عبادتگاهی دِلِه تعلیم داوِه و خِدایی پادشاهی ای مِژدِه رِه اِعلام کِردِه و هر جور ناخِشی و مَرَضِ شَفا داوِه.

اِنجیلِ مَتّی 9:35 Iomraidhean Croise

اِنجیلِ مَتّی 10:1

عیسی شه دِوازده شاگردِ شه پَلی صدا هاکارده و وِشونِ اِقتِدار هِدا تا پَلیدِ اِرواح ره بیرون هاکانِن و هر جور ناخِشی و مَرِضِ شِفا هادِن.

اِنجیلِ مَتّی 11:1

وَختی عیسی این دَستورا ره شه دِوازده شاگِردِ هِدا، اونجه جِم بُورده تا وِشونِ شَهرائه دِله تَعلیم هاده و موعِظه هاکانه.

اِنجیلِ مَتّی 11:5

کورون ویندِنه، شَلون راه کَفِنِنه، جِذامیون شِفا گِرنِنه، غولا اِشنُنِنه، مِرده ها زنده بونِنه و فَقیرونِ خَوِرِ خِش هِدا بونه.

مَرقُس 1:14

بعد از اینکه یحیی دَسگیر بَییه، عیسی جَلیلِ مَنطقه بُورده. وه خِدائه خَوِرِ خِشِ مِژدِه دائه

مَرقُس 6:56

عیسی هر روستا و شَهر و زِمینِ سَر که شیه، مَردِم، مریضونِ میدونائه سَر اییِشتِنه و وه جِم خواهش تَمِنّا کاردِنه که اِجازه هاده تا مریضون فِقَط وه قَوائه تِکِ دَس بَزِنِن؛ و هر کی دَس کارده، شِفا گِته.

مَرقُس 6:6

وه وِشونِ بی‌ایمونیِ جِم تَعجِّب هاکارده بییه. بعد، عیسی اون مَنطقهِ روستاهائه دِله گِردِسه و مَردِمِ تَعلیم دائه.

لوقا 13:22

عیسی اورشَلیمِ راهِ دِله، شهرها و روستاهائه دِله شیه و تَعلیم دائه.

اعمال رَسولان 10:38

و خِدا چی طی عیسایِ ناصری ره روح القدُس و قِدرَتِ هِمراه مَسح هاکارده، جوری که همه جا گِردِسه و خوارِ کار کارده و تِمومِ اونایی که اِبلیسِ ظِلمِ بِن دَینه ره شِفا دائه، اینِ وِسه که خِدا وه هِمراه دَییه.

اعمال رَسولان 2:22

«ای یَهودیون، اینِ بشنُئین: عیسیِ ناصری، اون که خِدا، معجزات و عجیبِ چیا و نِشونه هایی که وه دَسِ هِمراه شِمه میون ظاهر هاکارده، وه حَییقَتِ گِواهی هِدا، هَمون طی که شه دوندِنی.