اِنجیلِ مَتّی 9:31 - کتاب مقدس به زبان مازندرانی - گویش شرقی

³¹ ولی همین‌که سِرِهِ جِم بیرون بُوردِنه، عیسیِ آوازه ره تِمومِ اون مَنطقه دِله پَخش هاکاردِنه.

گیله ماز

³¹ وَلی هَمین‌ که سِرِه یه جی دِرگا بَشَن، عیسی یِه آوازِه رِه تمام اون مَنطَقِه یِه دِلِه پَخش هَکُردَن.

کتاب مقدس به زبان مازندرانی - گویش غربی

³¹ ولی هَمین گه خِنِه ای جا دیرگا بوردِنِه، عیسایی اَوازِه رِه دِشتِه هون مَنطَقِه ای دِلِه پَخش هاکِردِنِه.

اِنجیلِ مَتّی 9:31 Iomraidhean Croise

اِنجیلِ مَتّی 14:1

وَختی عیسیِ آوازِه، هیرودیسِ پادشاهِ گوش بَرِسیه.

اِنجیلِ مَتّی 28:15

پَس نِگَهوونون پولِ بَییتِنه و طِبق اونچی که وِشونِ بااوته بَییه بییه عَمِل هاکاردِنه. و این داستان تا اَمروز یَهودیونِ دِله شایع هَسه.

اِنجیلِ مَتّی 4:24

عیسیِ شِهرَت تِمومِ سوریهِ دِله دَپیته و تِمومِ اونایی که هَر جور دَرد و مَرِضِ دِچار بینه و اونایی که دِو بَزو بینه و غَشگری داشتِنه و چِلِخا ره وه پَلی یاردِنه و وه اونا ره شِفا دائه.

اِنجیلِ مَتّی 9:26

این اِتّفاقِ خَوِر، تِمومِ اون مَنطقهِ دِله دَپیته.

مَرقُس 1:28

پَس خَله نَگذِشته که عیسیِ آوازه تِمومِ جَلیلِ مَنطقهِ دِله دَپیته.

مَرقُس 7:36

عیسی وِشونِ قَدِغَن هاکارده که این جَریانِ هیچ کَسِ پَلی نارِن. ولی هر چی ویشتر وِشونِ قَدِغَن کارده، ویشتر این جَریانِ جِم گَب زونه.

لوقا 4:14

عیسی روح القدسِ قِوَّتِ هِمراه جَلیلِ مَنطقه بَردَگِردِسه و وه آوازه تِمومِ اون مَنطِقهِ دِله دَپیته.

لوقا 4:37

اینِ وِسه وه آوازه تِمومِ اون مَنطقه دِله دَپیته.

لوقا 5:15

ولی عیسیِ کارائه خَوِر، ویشتر و ویشتر پَخش بونِسه، جوری که یَته خَله جَمیِّت جَمع بونِسِنه تا وه گَبِ بشنُئِن و شه مَریضی هائه جِم شِفا بَیرِن.

لوقا 7:17

عیسیِ این کارِ خَوِر، تِموم یَهودیهِ دِله و اون دُورِ وَر دَپیته.