اِنجیلِ مَتّی 9:27 - کتاب مقدس به زبان مازندرانی - گویش شرقی

²⁷ وَختی عیسی اونجه جِم شیه، دِتا کور وه دِمبال بُوردِنه و داد زونه «اِی داوودِ ریکا، اِما ره رَحم هاکان»

گیله ماز

²⁷ وَختی عیسی اوجِه جی دَبا بوشو، دُتا کورِ مَردای اونه دُمّال بَشَن و داد زَنه بان: «اِی داوود ریکا، اَمَرِه رَحم هَکُن!»

کتاب مقدس به زبان مازندرانی - گویش غربی

²⁷ وختی عیسی اوجِه رِه دِ شیوِه، دِتا کور وی دِمال بوردِنِه و داد زووِنِه: «اِی داوودی ریکا، اَمارِه رَحم هاکِن!»

اِنجیلِ مَتّی 9:27 Iomraidhean Croise

اِنجیلِ مَتّی 1:1

عیسی مَسیحِ شَجِره نامه، داوودِ پادشاه نَسلِ جِم، ابراهیمِ پیغمبرِ نَسلِ جِم:

اِنجیلِ مَتّی 11:5

کورون ویندِنه، شَلون راه کَفِنِنه، جِذامیون شِفا گِرنِنه، غولا اِشنُنِنه، مِرده ها زنده بونِنه و فَقیرونِ خَوِرِ خِش هِدا بونه.

اِنجیلِ مَتّی 15:22

یِتا كنعانی زِنا که اون مَنطقه دِله زِندِگی کارده، عیسی پَلی بییَمو و دادِ هِمراه بااوته: «اِی آقا، اِی داوودِ ریکا، مِ ره رَحم هاکان! مِ کیجا بَد جور دِو بَزو بَییه.»

اِنجیلِ مَتّی 17:15

«اِی آقا، مِ ریکا ره رَحم هاکان. وه غَشگِری دارنه و بَدجور عِذاب کَشِنه. اون طی که چَن کَش شه ره اوه و تَشِ دِله دِم هِدا.

اِنجیلِ مَتّی 20:29

وَختی عیسی و وه شاگِردون اَریحائه شَهرِ شینه، یَته خَله جَمیِّت وه دِمبال، راه دَکِتِنه.

اِنجیلِ مَتّی 21:15

وَختی گَت گَتِ کاهِنون و توراتِ مَلِّمون عیسیِ معجِزِاتِ بَدینه و بِشنُسِنه که وَچون مَعبِدِ دِله داد زَندِنه: « نِجات هاده، داوودِ ریکا» عَصِبانی بَینه.

اِنجیلِ مَتّی 21:9

اون وَخت جَمیِّتی کِه جلو جلو شینه و اونایی که دِمبالِ سَر اییَمونه داد زونه گاتِنه: نِجات هاده داوودِ ریکا! مِوارَکِ اونی که خِداوَندِ اسمِ هِمراه اِنه! آسِمونِ جِم نِجات هاده!

اِنجیلِ مَتّی 9:28

وَختی عیسی سِره دِله بورده، اون دِ نَفِر وه پَلی بییَمونه. عیسی وِشونِ بااوته:«ایمون دارنِنی كه مِن تومبه این کارِ اِنجام هادِم؟» وِشون بااوتِنه: «اَرِه، آقا.»

مَرقُس 11:10

«اَمه جد داوودِ پادشاهیِ بییَموئِن، مِوارکِ!» «نِجات، آسِمونِ عرش دِله!»

مَرقُس 9:22

این روح چَن کَش وه ره تَش و اوهِ دِله دِم هِدا تا وه ره نابود هاکانه. اگه توندی اِما ره رَحم هاکان و کُمِک هاکان.»

لوقا 17:13

وِشون داد بَزونه بااوتِنه: «ای عیسی، ای اِسّا، اِما ره رَحم هاکان.»

لوقا 20:41

بعد عیسی وِشونِ بااوته: «چی طی گانِنه مَسیحِ موعود داوودِ پادشاهِ ریکائه؟

لوقا 7:21

هَمون مووقه، عیسی خَله از اونایی که درد و مَرِض و پلید اِرواح داشتِنه ره شِفا هِدا و یَته خَله کورونِ بینا هاکارده.

اِنجیلِ یوحنا 7:42

مگه مِقدَّسِ کتاب هائه دِله نااوته که مَسیح، داوودِ نَسلِ جِم هَسه و بِیت لِحِمِ جِم، روستایی که داوود اونِ دِله زندگی کارده، اِنه؟»

رومی ایشون 1:3

و وه ریکائه خَوِری، که جسماً داوودِ نَسلِ جِم دِنیا بییَمو،

رومی ایشون 9:5

و اجداد هم وِشونِ جِم هَسِنه و مَسیح هم جسماً وِشونِ نَسلِ جِم هسه، خدایی که همهِ جِم بالاترِ وه ره تا اَبد شِکر بوئه. آمین.