اِنجیلِ مَتّی 8:3 - کتاب مقدس به زبان مازندرانی - گویش شرقی

³ عیسی شه دَسِ دِراز هاکارده و وه سَرِ دَس بییِشته و بااوته: «خوامبه، شِفا بَیر!» دَرجا اون مَردی شه جِذامِ جِم شِفا بَییته.

گیله ماز

³ عیسی خودشه دَسِ دِراز هَکُردِه و اونه سَر دَس بَنَه و باَگوته: «خَنِم، شَفا هَگیر!» دَرجا اون مَردَای خودِشِ جُذامِ جی شَفا بِیته.

کتاب مقدس به زبان مازندرانی - گویش غربی

³ عیسی شی دَسِ دِراز هاکِردِه و وی سَر دَس بِشتِه و بُتِه: «خوایمِه، شَفا بَئیر!» دَرجا هون مَردی شی جُذامی جا شَفا بَیتِه.

اِنجیلِ مَتّی 8:3 Iomraidhean Croise

اِنجیلِ مَتّی 12:13

بعد عیسی اون مَردی ره بااوته : «شه دَسِ دِراز هاکان» وه شه دَسِ دِراز هاکاردو وه دَس شِفا بَییته و وه اون یِتا دَسِ واری خوار بَییه.

مَرقُس 1:41

عیسی دِل اون مَردیِ وِسه بَسوته و شه دسِ دراز هاکارده، وه سَر دَس بییِشته و بااوته: «خوامبه، شِفا بَیر!»

مَرقُس 4:39

عیسی بِلِند بَییه و وا ره تَشِر بَزو و دریا ره بااوته: «ساکت بَواش! آروم بَیر!» بعد وا اِیست هاکارده و همه جا کاملاً آروم بَییه.

مَرقُس 5:41

عیسی کیجائه دَسِ بَییته و وه ره بااوته: «تالیتا کوم!» یعنی: «ای کِچیکِ کیجا، تِ ره گامبه پِرِس!»

مَرقُس 7:34

عیسی آسمونِ هارِشیه، یِتا آه بَکِشیه و اون مَردی ره بااوته: «‌اِفّاتاح!» - یعنی «واز بَواش!»

مَرقُس 9:25

وَختی عیسی بَدیئه یِتا جَمیَّت دووِ هِمراه اونجه اِنِنه، اون پَلیدِ روحِ تَشِر بَزُو، بااوته: «ای لال و غولِ روح، تِ ره دَستور دِمبه وه جِم بیرون بِئی و دییه هیچ وَخت وه دِله نَشویی!»

لوقا 4:27

همین طی اِلیشَعِ پِیغَمبِرِ دوره هم، اِسرائیلِ دِله یَته خَله جِذامیون دَینه، ولی هیچ کِدوم شه جِذامِ جِم شِفا نَییتِنه به جِز نَعْمانِ سُریانی.»

لوقا 5:13

عیسی شه دَسِ دراز هاکارده و شه دَسِ وه سَر بییِشته و بااوته: «خوامبه؛ شِفا بَیر!» دَرجا وه جِذامْ از بین بُورده.

لوقا 7:14

بعد جلو بورده و تابوتِ سَر دَس بییِشته. اونایی که تابوتِ وَردِنه، اِیست هاکاردِنه. عیسی بااوته: «ای جَوون، تِ ره گامبه، پِرِس!»

اِنجیلِ یوحنا 11:43

اینا ره بااوته و بعد بِلِندِ صِدائه هِمراه داد بَزو: «ایلعازَر، بیرون بِرو!»

اِنجیلِ یوحنا 15:24

اگه وِشونِ دِله، کارایی نَکارده بیمه که جِز مِن هیچ کس نَکارده، گِناه نِداشتِنه؛ ولی، با اینکه اون کارا ره بَدینه، هم مِ جِم و هم مِ پییِرِ جِم بیزارِنه.

اِنجیلِ یوحنا 5:21

چوون همون‌طی که پییِر مِرده ها ره زنده کانده و وِشونِ زندگی دِنه، هَمون طی هم ریکا هر کی که بِخوائه ره زندگی دِنه.