اِنجیلِ مَتّی 8:26 - کتاب مقدس به زبان مازندرانی - گویش شرقی

²⁶ عیسی وِشونِ بااوته: «اِی سِس ایمونون، چه اَنده تَرسِنِنی؟» و بعد بِلِند بَییه وا و دریا ره تَشِر بَزو و دریا کاملاً آروم بَییه.

گیله ماز

²⁶ عیسی اوشانه باَگوته: «اِی سُست ایمانِشان، چِرا آنقَدَر تَرسِنین؟» ایما وَرِسَه وا و دَریا رِه زَمتُل بَزَه و دریا کاملاً آرام هَبا.

کتاب مقدس به زبان مازندرانی - گویش غربی

²⁶ عیسی وِشونِه بُتِه: «اِی سِس ایمونیشون، چه اَنّی تَرسِنِنی؟» اَزما پِرِسا وا و دَریارِه تَشَر بَزو و دَریا کامِلاََ آروم بَوِه.

اِنجیلِ مَتّی 8:26 Iomraidhean Croise

اِنجیلِ مَتّی 16:8

عیسی وِشونِ فِکرِ بَخوندِسه و بااوته: «اِی سِس ایمونا، چه اَنده غُصِّه خوارنِنی که شه هِمراه نون نیاردینی؟

اِنجیلِ مَتّی 17:20

عیسی بااوته: «چوون شِمه ایمون کَمِه! حَییقَتِن شِما ره گامبه، اَگه یِتا خَردِلِ تیمِ اِندا ایمون دارین، توندِنی این كوه ره بارین که از اینجه به اونجه جابِجا بَووه و جابِجا بونه و هیچ کاری شِمه وِسه مَحال نییه. [

اِنجیلِ مَتّی 6:30

پَس اَگه خِدا صَحرائه واشِ كه اَمروز دَره و فِردا تَندیر دِله دَشِندی بونه، این طی قَشِنگ کانده، شِما ره، اِی سِس ایمونا، خَله بِهتَر نَپوشِندِنه؟

اِنجیلِ مَتّی 8:27

شاگِردون اونچیِ جِم که اِتفاق دَکِته بِهت هاکاردِنه و بااوتِنه: «این چه جور آدِمیِ؟ حَتَّی وا و دریا هم وه جِم اِطاعت کاندنه؟»

لوقا 4:35

ولی عیسی پلیدِ روحِ تَشِر بَزو و بااوته: «ساکت بَواش و وه جِم بیرون بِرو!» اون وَخت دِو، اون مَردی ره، تِمومِ مَردِمِ پَلی بِنه سَر دِم هِدا و بِدونِ این که آسیبی وه ره بَزِنه، وه جِم بیرون بییَمو.

رومی ایشون 4:20

ولی وه بی‌ایمونیِ سَر، خِدائه وَعده ره شَک نَکارده، بلکه ایمونِ دِله قوی بَییه و خِدا ره جِلال هِدا .

یوحنایِ مکاشفه 10:2

یِتا کِچیک طومارِ واز هاکارده، شه دَسِ دِله داشته. اون فرشته شه راسِ لینگِ دریائه دِله و شه چپِ لینگِ خشکیِ سَر بییِشته.