اِنجیلِ مَتّی 8:1 - کتاب مقدس به زبان مازندرانی - گویش شرقی

¹ وَختی عیسی كوهِ جِم جِر بییَمو، یَته خَله جَمیِّت وه دِمبال راه دَکِتِنه.

گیله ماز

¹ وَختی عیسی كوهِ جی جیر بوما، ایتا گَتِه اِزدِحام اونه دُمّالسَر رادَکِتَن.

کتاب مقدس به زبان مازندرانی - گویش غربی

¹ وختی عیسی كوهی جا جِر بیمو، یَتِخِیلی اِزدِحام وی دِمال راه دَکِتِنِه.

اِنجیلِ مَتّی 8:1 Iomraidhean Croise

اِنجیلِ مَتّی 12:15

وَختی عیسی وِشونِ نخشهِ جِم خَوِر دار بَییه، اونجه جِم بورده جَمیِّتِ زیادی وه دِمبال بوردِنه و وه همهِ مریضونِ شِفا هِدا

اِنجیلِ مَتّی 15:30

یَته خَله جَمیِّت عیسی پَلی بییَمونه، و شه هِمراه شَلون، کورون، چِلِخون و لالا و خَله دییه مریضون ره هم بیاردِنه عیسیِ لینگِ پلی بییِشتِنه و وه، وِشونِ شِفا هِدا.

اِنجیلِ مَتّی 19:2

جَمیِّت وه دِمبال راه دَکِتِنِه و عیسی وِشونِ اونجه شِفا هِدا.

اِنجیلِ مَتّی 20:29

وَختی عیسی و وه شاگِردون اَریحائه شَهرِ شینه، یَته خَله جَمیِّت وه دِمبال، راه دَکِتِنه.

اِنجیلِ مَتّی 4:25

یَته خَله جَمیِّت جَلیلِ شَهر و دِكاپولیسِ مَنطقهِ جِم، اورشَلیمِ شَهر و یَهودیهِ مَنطقهِ جِم و اُردنِ رودخانهِ اون دَس جِم عیسیِ دِمبال راه دَکِتِنه.

اِنجیلِ مَتّی 7:29

چوون وه وِشونِ، توراتِ مَلِّمونِ واری تَعلیم نِدا بییه، بلکه یِتا کسِ واری تَعلیم دائه که صاحاب قِدرَتِ.

اِنجیلِ مَتّی 8:18

عیسی جَمیِّتی ره که وه دور جَمع بَئی بینه ره بَدیئه، و شه شاگِردونِ دَستور هِدا «دریائه اون دَس بورِن».

اِنجیلِ مَتّی 8:2

هَمون مووقه یِتا جِذامی وه ره نَزیک بَییه، وه جلو زانو بَزو و بااوته: «اِی آقا، اَگه بَخوای توندی مِ ره شِفا هادی.»

مَرقُس 3:7

بعد عیسی شه شاگِردونِ هِمراه دریائه سَمت بُورده. یِتا گَتِ جَمیَّت هم جَلیلِ مَنطقه و یهودیه مَنطقهِ جِم.

لوقا 5:15

ولی عیسیِ کارائه خَوِر، ویشتر و ویشتر پَخش بونِسه، جوری که یَته خَله جَمیِّت جَمع بونِسِنه تا وه گَبِ بشنُئِن و شه مَریضی هائه جِم شِفا بَیرِن.