اِنجیلِ مَتّی 7:5 - کتاب مقدس به زبان مازندرانی - گویش شرقی

⁵ اِی دِرو، اَوِّل اون گَتِ چو ره شه چِشِ جِم بیرون بیار؛ اون وَخت بِهتر ویندی، تا کَمِلِ ذِرِّه ره شه برارِ چِش جِم بیرون بیاری.

گیله ماز

⁵ اِی دُرو، اوَّل اون چو رِه تیِ چِشِ جی دِرگا بیار؛ ایما بِهتَر دینی تا کَمل ذَرِّه رِه تیِ اَداشِ چِشِ جی دِرگا بیاری.

کتاب مقدس به زبان مازندرانی - گویش غربی

⁵ اِی دُرو، اوَّل هون گَتِه چو رِه شی چِشی جا دیرگا بیار؛ اَزما بِهتَر وینّی تا کَمِل ذِرِّه رِه شی بِراری چِشی جا دیرگا بیاری.

اِنجیلِ مَتّی 7:5 Iomraidhean Croise

اِنجیلِ مَتّی 22:18

ولی عیسی که دونِسه وِشون چه نَخشه ای بَکِشینِه، بااوته: «اِی دِرویون، چه مِ ره آزمود کاندینی؟

اِنجیلِ مَتّی 7:3

چه کَمِل ذِرِه که تِ بِرارِ چِشِ دِله دَره ره ویندی، ولی گَتِ چویی، كه شه چِشِ دِله دارنی ره نَویندی؟

اِنجیلِ مَتّی 7:4

یا چی طی جِرأت کاندی شه، بِرارِ باری: 'اِجازه هاده کَمِل ذِرِه ره تِ چِشِ جِم بیرون بیارِم' اِسا شه، یِتا گَتِ چو، شه چِشِ دِله دارنی.

اِنجیلِ مَتّی 7:6

اونچی که مِقَدَّسِ ره سَکا ره نَدین و شه مِرواری ره خیائه پیش نَشِنین. نَکِنه اونا ره لینگِ لو بَیرِن و بَردَگِردِن، شِما ره حمله هاکانِن.

لوقا 12:56

ای دِرویون! شِما که آسِمون و زِمینِ وَضعیَتِ تعبیر هاکاردِنِ دوندِنی، چی طی نَتوندِنی این زِمونهِ وَضعیَتِ تعبیر هاکانین؟

لوقا 13:15

عیسیِ خِداوند وه جِواب بااوته: «ای دِرویون! هیچ کِدوم از شِما شنبه روز دِله شه گو یا خَرِ کِلومِ جِم واز نَکانده تا اوه هِدائِنِ وسه بیرون بَوِره؟

لوقا 4:23

عیسی وِشونِ بااوته: «بی شَک این مَثِلِ مِ وِسه یارنِنی، ”اِی طَبیب شه ره شِفا هاده! اونچی که بِشنُسیمی کَفَرناحومِ دِله هاکاردی، اینجه شه زادگاهِ دِله هم هاکان»

لوقا 6:42

چی طی توندی شه بِرارِ باری: ”بِرار، بییِل کَمِلِ ذِره ره تِ چشِ جِم بیرون بیارِم“، اِسا اون که دارکینگه ره شه چشِ دِله نَویندی؟ ای دِرو، اَوِّل دارکینگه ره شه چشِ جِم بیرون بیار، بعد بهتر توندی بَوینی تا کَمِلِ ذِره ره شه بِرارِ چشِ جِم بیرون بیاری.

اعمال رَسولان 19:15

ولی پلیدِ روح وِشونِ جِواب بااوته: «عیسی ره اِشناسِمبه، پولُسِ هم اِشناسِمبه، ولی شِما کینی؟»