اِنجیلِ مَتّی 7:28 - کتاب مقدس به زبان مازندرانی - گویش شرقی

²⁸ وَختی عیسی شه گَبِ تِموم هاکارده مَردِم وه تَعلیم هِدائِنِ جِم بِهت هاکاردِنه

گیله ماز

²⁸ وَختی عیسی خودشه گَبِ تَمام هَکُردِه، مَردُم اونه تعلیم هَدَئنِ جی بُهت هَکُردَن،

کتاب مقدس به زبان مازندرانی - گویش غربی

²⁸ وختی عیسی شی گَبِ تُوم هاکِردِه، مَردِن وی تعلیم هادائَنی جا بِهت هاکِردِنِه،

اِنجیلِ مَتّی 7:28 Iomraidhean Croise

اِنجیلِ مَتّی 11:1

وَختی عیسی این دَستورا ره شه دِوازده شاگِردِ هِدا، اونجه جِم بُورده تا وِشونِ شَهرائه دِله تَعلیم هاده و موعِظه هاکانه.

اِنجیلِ مَتّی 19:1

وَختی عیسی شه گَبِ تِموم هاکارده، جَلیلِ جِم بورده و اُردن رودخانهِ اون دَسِ جِم، یَهودیِهِ مَنطقهِ دِله بُورده.

اِنجیلِ مَتّی 22:33

وَختی مَردِم اینِ بِشنُسِنه عیسیِ تَعلیم هِدائِنِ جِم بِهت هاکاردِنه.

اِنجیلِ مَتّی 26:1

وَختی عیسی تِمومِ شه گَبا ره تِموم هاکارده، شه شاگِردونِ بااوته:

اِنجیلِ مَتّی 7:27

وارِش بِبارِسه، سِیل بییَمو و وا بَزو اون سِره ره فِشار بیارده، اون سِرِه له بورده و چه خرابی ای بییه!»

اِنجیلِ مَتّی 7:29

چوون وه وِشونِ، توراتِ مَلِّمونِ واری تَعلیم نِدا بییه، بلکه یِتا کسِ واری تَعلیم دائه که صاحاب قِدرَتِ.

مَرقُس 1:22

مَردِم عیسیِ تَعلیم هِدائِنِ جِم بِهت هاکاردِنه، چوون وه توراتِ مَلّمونِ واری تَعلیم نِدائه، بلکه یه نَفِرِ واری تَعلیم دائه که قِدرت و اختیار دارنه

مَرقُس 11:18

مَعبِدِ گَت گَتِ کاهِنون و توراتِ مَلِّمون وَختی اینِ بِشنُسِنه، یِتا راهِ دِمبال گِردِسِنه تا عیسی ره از بین بَوِرِن، چوون وه جِم تَرسینه، چوون تِمومِ جَمیِّت وه تَعلیم هِدائِنِ جِم حیروون بینه.

مَرقُس 6:2

عیسی یَهودیونِ مِقدَّسِ شنبه، عِبادَتگاهِ دِله بورده و اونجه تَعلیم دائه. خَیلیا وَختی وه گَبِ اِشنُسِنه بِهت کاردِنه و گاتِنه: «این مَردی اینا ره کجه جِم به دَس بیارده؟ این چه حِکمتیِ که وه ره هِدا بَییه؟ این چه معجزاتیِ که وه اِنجام دِنه؟

لوقا 19:48

ولی شه کارِ وِسه هیچ راهی نَتونِسِنه پی دا هاکانِن، چوون تِمومِ مَردِم وه گَب بَزوئِنِ عاشق بینه.

لوقا 2:47

هر کی وه گَبِ اِشنُسه، وه فَهمِ جِم و جِوابایی که دائه، بِهت کارده.

لوقا 4:22

همه اونایی که اونجه دَینه وه جِم تَعریف کاردِنه و فیض‌ بَخشِ کِلامِ جِم، که وه دِهونِ جِم بیرون اییَمو بِهت کاردِنه. وِشون گاتِنه: «مَگه این یوسِفِ ریکا نییه؟»

لوقا 4:32

مَردِم وه تَعلیم هِدائِنِ جِم خَله تَعَجِّب هاکاردِنه، چوون وه، اقتدار هِمراه گَب زوئه.

لوقا 7:1

وَختی عیسی شه تِمومِ گَبِ مَردِمِ هِمراه تِموم هاکارده، کَفَرناحومِ شَهر بُورده.

اِنجیلِ یوحنا 7:15

یَهودیون بِهت هاکاردِنه، بااوتِنه: «این مَردی که اَصلاً دینِ دَرسِ نَخوندِسه، چی طی تونده این طی علمی داره؟»

اِنجیلِ یوحنا 7:46

نگهوونون جِواب هِدانه: «تا‌ اَلان، هیچ کی این مَردیِ واری گَب نَزوئه!»