اِنجیلِ مَتّی 6:6 - کتاب مقدس به زبان مازندرانی - گویش شرقی

⁶ هَر وَخت تِ دِعا کاندی شه اُتاقِ دِله بور، دَرِّ دَوِند و شه نَدیئه پییِرِ پَلی دِعا هاکان. تِ آسِمونی پییِر که هر جا هِدا چی ره وینده، تِ ره اَجر دِنه .

گیله ماز

⁶ هَر وَخت تو دُعا کانی تی اُتاقِ دِلِه بوشو و دَرِ دَبِد و تیِ نَدیه پیَرِ ورجه دُعا هَکُن، تی آسمانی پیَر که تمام جا هَدِه چیزانِ دینه، تِرِه اَجر دَنه.

کتاب مقدس به زبان مازندرانی - گویش غربی

⁶ هر وَخت تو دِعا کِنّی شی اِتاقی دِلِه بور و دَرِ دَوِن و شی نَئی پیری وَر دِعا هاکِن، تی آسمونی پیر گه دِشتِه جاهادا چیرِه وینِّه، تِرِه اَجر دِنِه.

اِنجیلِ مَتّی 6:6 Iomraidhean Croise

اِنجیلِ مَتّی 14:23

عیسی بَعد از این که مَردِمِ بَفرِسیه، شه، کوهِ سَر بُورده تا تیناری دِعا هاکانه. شو بَرِسیه و وه اونجه تینا بییه.

اِنجیلِ مَتّی 6:18

تا مَردِم نِفَهمِن تِ روزه دارنی، بلکه فِقَط تِ پییِر كه پِنهونِ، اونِ دونده، پییِری كه هیچ چی وه دیدِ جِم قایِم نییه، تِ ره اَجر دِنه.

اِنجیلِ مَتّی 6:4

تا تِ کُمِک جا هِدا بَمونه و تِ آسِمونی پییِر که جا هِدا چی ره وینده، تِ ره اَجر دِنه.

اِنجیلِ یوحنا 1:48

نَتَنائیل وه ره بااوته: «کجه جِم مِ ره اِشناسِنی؟» عیسی جِواب هِدا: «قبل از اون که فیلیپُس تِ ره صدا هاکانه، وَختی که هَمتی اَنجیلِ دارِ بِن دَئی، تِ ره بَدیمه.»

اِنجیلِ یوحنا 20:17

عیسی وه ره بااوته: «مِ کَش نَخُر، چوون هَمتی پییِرِ پَلی بالا نَشیمه. ولی مِ بِرارونِ پَلی بور و وِشونِ بار که مِن شه پییِر و شِمه پییِر و شه خِدا و شِمه خِدائه پَلی شومبه.»

اعمال رَسولان 10:30

کُرنِلیوس جِواب هِدا: «چهار روز قبل هَمین مووقه، ساعت سه بَعد از ظِهر شه سِره دِله دَیمه دِعا کاردِمه که یِدَفه یِتا مَردی که یِتا نورانی جِمه داشته مِ پَلی ظاهر بَییه

اعمال رَسولان 10:9

فِردائه اون روز، ظِهرِ مووقه، وَختی راه دِله دَینه و شَهرِ نزیک بونِسِنه، پِطرُس سِرهِ بومِ سَر بُورده تا دِعا هاکانه.

اعمال رَسولان 9:40

ولی پِطرُس همه ره اتاقِ جِم بیرون هاکارده و زانو بَزو و دِعا هاکارده. بعد جنازه ره هارِشیه و بااوته: «طابیتا، پِرِس!» طابیتا شه چشا ره واز هاکارده و وَختی پِطرُسِ بَدیئه هِنیشته.

رومی ایشون 8:5

اونایی که طبقِ جِسم زندگی کاندِنه، شه فِکرِ اونچی سَر اییِلنِنه که جِسمِ جِم هَسه، ولی اونایی که خِدائه روحِ دارنِنه، شه فِکرِ اونچیِ سَر اییِلنِنه که روحِ جِم هَسه.

اِفِسُسیان 3:14

اینِ وِسه مِن آسِمونی پییِرِ روب رو زانو زَمبه